Tapaleuk, Belajar Hitung 

POS-KUPANG.COM, KUPANG - Dar covid ni anak-anak sekolah dong balajar ju son jelas. Apa lai pake online. Anak dong iko pelajaran ma sonde kena memang. 

Tiap hari harus belajar. Guru kas soal ko dong kerja. Andia kerja ju terakhir dong pung basodara yang kerja paling banyak. Andia ko ana-ana so mengerti memang deng pelajaran. 

Sebelum covid sah belajar ju begitu, apa lai pas virus ini datang, lebe para ini belajar. Kal belajar menulis ma agak bae, ma tapi belajar hitung ni anak dong pasti di rumah belajar ju son teratur lai. 

Baca juga: Tapaleuk, Angin Ta Duduk

"Ina, anak sekolah dong su masok sekolah kembali ko? Di muka rumah ni dong ada balari tahambur ni," Ama Tobo ada batanya Ina Feok. Baptua belum tauh kal anak sekolah su masuk sekolah kembali. 

Ama kasian deng ana sekolah. Tiap pagi pas covid di muka rumah sepih. Padahal Ama tiap pagi lia anak sekolah dong balari pi sekolah kalo musim ada babae.

"Biasa kalo dong bajalan pasti sah dong batareak hitung ma ini kali dong diam-diam eeee," Ama heran deng anak sekolah dong, su jarang main bahitung ko bakejar di jalan pas pulang sekolah. 

Ama curiga sah ini bar masuk sekolah normal mangkali, jadi anak-anak dong ju mas lia-lia. 

Padahal Ama paling makang gigi kalo anak sekolah dong baribut di muka rumah. Ma ini kali baptua kek mo dengar anak sekolah pung suara oo. 

Baca juga: Tapaleuk, Makan Jang Sambarang

"Ama ee. Dong tiap hari ada iko pelajaran tambahan bahitung di kantor desa aa. Son sama kek dulu lai. Sekarang apa-apa serba online ni bahitung ju pelan-pelan aa," Ina Feok basambung ko bilang covid su buat orang belajar ulang aa. 

Andia pantas ko anak-anak sekolah dong sekarang belajar tambahan lai di kantor desa. Ina ni ada harap ko anak sekolah dong bisa belajar hitung b'bae su, covid su hilang ni na. (Irfan Hoi)

Ikuti Berita POS-KUPANG.COM Lainnya di GOOGLE NEWS