Tapaleuk, Su Mau Pemilu

Tapaleuk, Su Mau Pemilu

POS-KUPANG.COM, KUPANG - Sonde rasa ma sekarang su masuk musim pemilu. Baliho, spanduk dong su ponuh di hampir semua tempat. 

Ini calon dong ju ada pusing ni aaa. Dong ada bakalan son tahu tidur sonu lai. Tiap hari sah dong muncul dimana-mana. Su deka-deka begini, pasti dong lebih banyak tidor deng masyarakat. 

Kalo su begini, sumbangan dong pasti turun lancar su ma. Beda ooo kalo dong baru dapa pilih, pasti agak terlambat bantuan datang. Ma ini taon calon jalan deng bantuan di bak mobil. 

Baca juga: Tapaleuk, Tarima Penghargaan 

"Petugas dong ada datang lihat-lihat nama ni, su mau deka pemilu na cek nama ju rajin ee," Ama Tobo ada mangomel. Baptua heran ko dari taon lalu son datang ko cek memang. 

Ma Ama Tobo senang ju. Kalo so musim pemilu begini, biasanya baptua dapa doi na. Baptua pung sapi dong pasti dapa beli su ma. Ama ju pasti dapa undang ko ame bantuan. 

"Son apa-apa. Intinya calon dong datang kas tahu dong pung janji na jangan ingkar memang oooo. Beta su tanda calon yang lalu. Son ada yang toe Katong lai ma," Ama ada bacerita dengan Ina. Ama ada mo jaga calon dong yang lalu oo. 

Ina Feok dengar ma son basambung memang. Ina tahu kalo Ama ada emosi mati dengan calon lalu. Son datang lai nah waktu habis pemilu. Andia ko Ama ada bajaga di pemilu sekarang ni. 

Baca juga: Tapaleuk, Kas Barisi Got Su

"Sudah su Ama eee. Dong su senang ma lupa katong. Intinya ini kali katong lihat yang paling bae sah. Jang ko terima aes bantuan nah pilih dong," Ina Feok ada kas inga dia pung laki. 

Dong dua laki bini gara-gara bahas ini su mau pemilu, sapi di kebun hampir lupa kas makan. Padahal kemarin sore son kas makan. Dong dua ada pi iko acara keluarga di kampung sebelah na. (Irfan Hoi)

Berita POS-KUPANG.COM Lainnya di GOOGLE NEWS