Tapaleuk, Bai Ndu HP Baru

Reporter POS-KUPANG.COM, Elisabeth Eklesia Mei

POS-KUPANG.COM, KUPANG - Pagi-pagi sekitar jam 6 pagi, Bai Ndu su pi bacari Ama Tobo di rumah mau pi pamer dia pung HP baru, "Ama..o Ama, lu di rumah ko?" Bai Ndu panggil Ama Tobo di muka rumah sambil masok pi Dalam rumah. 

“Mari sini Bai.. papagi su semangat sa ni," Ama Tobo menyaut dari dalam ruma

"Ama, beta ni kamaren ada beli HP android tapi beta babingung mau buat kermana ini barang," Bai Ndu Lapor di Ama Tobo sambil kas tunjuk dia pung HP Vivo.

Baca juga: Tapaleuk, Makan Jang Sambarang

"Uih, Bai su main beli HP baru sa o..HP android lay..Bai Ni tajir ee," Ama Tobo baganggu Bai Ndu.

"Na coba ama buat dolo te ini beta sonde mangarti lay kasih nyala kermana," Ndu Omong sambil sorong dia pung HP di Tobo.

"Uih Bai HP baru sa o..kalo punya barang tu harus tau deng dia pung cara pake a Bai," Ina Feok ju tambah baganggu Ndu sambil taro kopi di meja.

"Andia ko ini masih balajar di Ama Tobo ini ina..," sambung Ndu.

Baca juga: Tapaleuk, EnTeTe Su Tamba Tua

Pas Ama Tobo su kas nyala Ndu pung Hp, instal dia pung aplikasi, liat bagini padahal HP sonde ada kartu.

"Bai ni bisa beli HP sonde ada deng dia pung kartu. Krmna bisa telpon orang dong ni," Tobo omong di Ndu.

"Adoh, beta lupa beli kamaren. Na tunggu tahan dolo, beta fuit pi beli di konter do e,"

Bai Ndu langsung jalan pi ambil motor langsung gas pi beli dia pung kartu HP di Kontor. (Elisabeth Eklesia Mei)
 

Ikuti Berita POS-KUPANG.COM Lainnya di GOOGLE NEWS