Tapaleuk
Tapaleuk, Makan Jang Sambarang
sebentar beli bawa kasi beta salome do, beta ada sakit ko mau makan sa mulut sonde enak ni
Penulis: Ray Rebon | Editor: Rosalina Woso
lihat foto
POS-KUPANG.COM, KUPANG - Ama Tobo setiap hari doyan makan salome ato bakso.
Tobo yang suka makan salome ju selalu bungkus bawa kasi ana deng istri di rumah.
Suatu pagi, Ina Feok yang ada sakit demam ju pesan baptua ko beli bawa salome.
Baca juga: Tapaleuk, Tanam Jagung Panen Sapi
"Ama sayang, sebentar beli bawa kasi beta salome do, beta ada sakit ko mau makan sa mulut sonde enak ni," Ina Feok teriak Tobo beli salome sambil tidor.
Tobo yang ada mau keluar pi ojek ju jawab iya sa ke mamtua.
Tobo yang mau kaluar pi ojek, langsung ketemu Ba,i Ndu di teras rumah.
"Tobo lu tau kow sonde," tau apa ba,i
Tobo yang penasaran ju tanya tarus di Ba,i Ndu.
"Tau apa? Jang buat beta penasaran," tobo tanya tarus.
Baca juga: Tapaleuk, Sama-sama Akui
Ba,i Ndu ju langsung respon sa, tadi pagi beta ada minum kopi sambil baca koran, ada berita kalau di dalam pentolan salome ada daging tikus. Kejadian di Takari sana.
Berita kemarin ju beta baca ada potongan jari manusia di sayur lodeh. Kejadian ini di Belu sana.
"Adow, maitua ada sakit ko pesan salome ne," Tobo langsung sambung Baitua.
"Beta hanya kasih tau lu sa, supaya kalau mau makan na jang sambarang, harus lia bae-bae, atau mau beli bawa kasih maitua dan ana buah dong ju jang sambarang," Ba,i Ndu kasih tau Tobo langsung pulang kembali pi dia pung rumah. (Ray Rebon).
Ikuti Berita POS-KUPANG.COM Lainnya di GOOGLE NEWS
