Tapaleuk
Tapaleuk, Sonde Nodek
Itu su, katong ni masyarakat kici ju hanya punya hak pili tapi sonde bisa protes kalo sala pili pamimpin
lihat foto
POS-KUPANG.COM, KUPANG - Ina Feok bar pulang dar kantor lurah iko sosialisasi dar Ka-Pe-U yang mulai rajin kaliling turun sosialisasi jelang pamilu.
Sampe di rumah ju dia lia Ama Tobo deng Bai Ndu ada dudu maen kartu di rebis rumah.
Ama Tobo yang liat dia pung bini datang ju tanya, "karmana tadi sosialisasi apa di kantor lurah dar Ka-Pe-U ada omong apa sa?"
Baca juga: Tapaleuk, Makan Jang Sambarang
Ina Feok jawab "biasa, dong pung bahasa manis satiap lima taon, satu suara untuk masa depan bangsa, tapi abis masyarakat su pilih ju dong sonde nodek sadiki ju," Ina Feok omong deng mangomel.
"Andia tu Ina, batul memang, kalo katong sonde gunakan hak pilih, nanti dong dong pung datang buju rayu sang katong macam soya raja, biar pi Te-Pe-eS ko iko pili, tapi abis itu, dong diam-diam sa, macam ke son ada beban," Bai Ndu sambung angka gas.
"Itu su, katong ni masyarakat kici ju hanya punya hak pili tapi sonde bisa protes kalo sala pili pamimpin," Ama Tobo tamba dia pung sendok pata.
Baca juga: Tapaleuk, Barenti Minom Mabo
"Makanya Ama, beta ju satuju deng Ka-Pe-U supaya katong harus pili pamimpin harus pake hati nurani, karna kalo katong salah pili nanti ini masa depan negara bisa ancor," Ina Feok kas nasehat.
"Wi.. ina e.. lu su sama ke patugas sosialisasi Ka-Pe-U sa," Ama Tobo deng Bai Ndu katawa puas bikin Ina Feok gigi asam. (zee)
Ikuti Berita POS-KUPANG.COM Lainnya di GOOGLE NEWS
Isi komentar sepenuhnya adalah tanggung jawab pengguna dan diatur dalam UU ITE.