Tapaleuk
Tapaleuk, Jang Buang Babi Mati Sambarang
Jang sampe ini bau ni bangke babi yang orang buang. Karena sakarang ni ada virus ASF jadi babi dong ada mati banyak.
Penulis: Ray Rebon | Editor: Rosalina Woso
lihat foto
POS-KUPANG.COM, KUPANG - Ama Tobo pa pagi su bangun ko pi ojek. Sampe di pangkalan ojek ju baptua cium bau bangke binatang.
Tobo yang penasaran ju cari kaliling itu tempat tapi son dapat tau itu sumber bau.
Baptua samantara dudu tanganga, tiba-tiba Bai Ndu lewat.
Baca juga: Dua Kelurahan di Kota Kupang Terdampak Longsor
"We tua, mau pimana ni. Lu ada cium bau bangke binatang kow?," Tobo tanya bai Ndu.
"Lu hanya dudu mau cium bau-bau dong sa. Coba lu keliling cari orang ojek bae," Bai Ndu respon seng Tobo.
Son puas, Tobo pange baptua ko lebih dekat lai di itu tempat.
"Lu datang sini dolo, ini bau talalu parah," Tobo pange baptua lai.
Bai Ndu yang penasaran ju pi deka seng baptua. Betul ew ini bau talalu parah.
Jang sampe ini bau ni bangke babi yang orang buang. Karena sakarang ni ada virus ASF jadi babi dong ada mati banyak.
"Beta curiga begitu. Soalnya beta pung babi ju ada mati na. Tapi beta pung babi langsung kubur bukan buang begini," Tobo kasih jelas Bai Ndu.
Baca juga: Tapaleuk, Hitung Doi
Pemerintah dong ju su kasi himbau supaya babi yang mati harus dikubur, tar tau orang dong bisa buang babi mati sambarang ni. Begini ni yang virus tersebar cepat.
"Orang dong belum sadar na. Begini ni yang babi dong mau mati samua," Bai Ndu omong ais ju langsung pulang. (Ray Rebon).
Ikuti Berita POS-KUPANG.COM Lainnya di GOOGLE NEWS
