Tapaleuk, Jaga Bae Bae Hewan Babi

POS-KUPANG.COM, KUPANG - Ama Tobo pa pagi su pi bertamu di Ba,i Ndu pung rumah.

Tobo yang pung kebiasaan pi Ba,i Ndu pung rumah harus maloi sadikit Bai Ndu pung binatang piara dong.

Ba,i Ndu orang semua tau adalah pengusaha babi.

Baca juga: Tapaleuk, EnTeTe Su Tamba Tua

Ba,i Ndu ada samantara minum kopi di teras rumah ju kaget deng Tobo yang su baselamat pa pagi.

"Pagi tua, lu ada buat apa ni," Tobo buang suara ke Ba,i Ndu seperti biasa bertamu.

Kermana Ndu deng bosong pung ana babi dong, aman ko?

Ndu yang jengkel deng ana babi ada sementara panyaki ju son mau respon deng Tobo.

"Tua ew, katong tanya ju lu diam-diam sa ni?, ada apa ow," Tobo tanya lai Ba,i Ndu sambil mau pi lia Ndu pung ana babi dong.

"Tobo lu jang ane-ane ew. Beta ada pusing deng babi dong ada saki ni," Ndu mulai tensi deng Tobo.

Baca juga: Tapaleuk, Parkara Toples

"Babi dong saki na lu tensi deng beta," Tobo jawab Ba,i Ndu sambil tertawa.

"Lu tau to Tobo, baru satu minggu sa, beta pung babi su mati berapa ekor ni. Rugi banyak ni," sambung Ba,i Ndu

"Betual Ba,i Ndu, beta baca di barita, banyak babi yang mulai mati, dan dong bilang itu penyaki virus ASF," Tobo kasi penjelasan.

Dinas peternakan dong ju su mulai turun di peternakan dong kow kasi sosialisasi deng bagi obat ko semprot kandang dong. Mungkin deng itu cara sebagai pencegahan awal untuk selamatkan babi dong.

"Ho, beta ju su tau, makanya lu pung babi hanya ada dua ekor tu, tolong kow jaga bae-bae. Tolong ko iko dong pung perintah supaya babi dong selamat," Ba,i Ndu kasi inga Tobo langsung tutup pintu rumah. (Ray Rebon).

Ikuti Berita POS-KUPANG.COM Lainnya di GOOGLE NEWS