Tapaleuk, Hitung Doi

POS-KUPANG.COM, KUPANG - Ama Tobo deng dia pung bini Ina Feok ada dudu kumpul kemiri ko mau timbang, dia dapat info kalo kemiri harga sekarang lagi naek.

"Ina lu pintar bahitung ko, beta ke rasa ini karung beda-beda dia pung berat, beta takut nanti di gudang dong pakaneo sang katong," Ama Tobo tanya dia pung bini.

"Habis lu pikir tiap hari beta belanja ini pake hitung ko atau beta filing-filing sa, ke anrh-anaeh sa batanya bagitu," Ina Feok mulai maruak.

Baca juga: Tapaleuk, Su Mau Pemilu

Ama Tobo tanya bagitu karna dia tanya dia pung bini hanya bisa hitung doi sa. Ma kalo tambah kurang kali bagi son tau.

"Ho ko itu hari suru lu hitung biji kusambi 10 karung sa lu su bingun bodo na ini kemiri lai. Jang sampe orang gudang dong pudaedok sang lu na beta rugi bandar," Ama Tobo jawab balek.

Akhirnya dong pi timbang kemiri di gudang Oesapa, Ama Tobo dapat baca kalo satu kilo delapan ribu. Pulang dia tes ulang lai dia pung bini.

"Tadi katong dapat berapa 130 kilo jadi itu doi berapa semua," Ama Tobo tes dia pung bini.

"Bapa e ko ini semua satu juta pas pikir beta sonde tau hitung ko, dong sonde bisa pudaedok sam beta," Ina Feok omong puku dada.

Baca juga: Tapaleuk, Motor Banyak Utang

"Habis itu 40 ribu dong dapat gratis ko, lebe bae mama pulang ko pi tagih," Ama Tobo omong ma dia tadi deng ana gudang dong su basen ko 40 ribu dia ame pake beli roko.(Ryan Tapehen)

Ikuti Berita POS-KUPANG.COM Lainnya di GOOGLE NEWS