Kerja Bae Bae su

• Serang Manusia, Tim BBKSDA NTT Amankan Dua Ekor Buaya di Desa Oni

• Wagub NTT: Bukan Kerajinan Tangan Tapi Kekayaan Intelektual Nenek Moyang. Intip Deretan Fotonya

POS-KUPANG.COM--Ama Tobo pung badan son enak, ko dia bangun su siang tarang. Soalanya dia kemarin ada ikut acara di partai dong sosialisasi. Tobo ju masok pengurus salah satu parte na.

‎"Ama lu kenapa bangun lat bagini. Lu sonde liat beta ada sakit bagini, son bisa bangun sedu ko bamasak," Ina Feok mengomel dia laki.

Ama Tobo yang dengar, diam-diam sa, ma dia son mo turun dar tampa‎ tidor.

• Politisi Muda dan Kaum Muda Apresiasi Rekoleksi Pelayan Publik Katolik oleh Uskup Petrus Turang

‎Dia masih bolak-balik badan te dia dengar Bai Ndu pung suara su selamat pagi di muka ruma.

Tobo langsung bangun ko kaluar kamar. Dia liat Ina Feok, dia munafik ko ulik-ulik dia pung mata.

‎"Dari mana ni, ko papagi lu su muncul lai. Beta badan son enak andia ko baru bangun," Tobo duduk pangku kaki ko baru tanya Bai Ndu.

"Beta ini hari datang ko cek koran ko mo baca, te kamarin beta pi ame pensiun, orang dong ada baomong soal mutasi di Kota Kupang," Bai Ndu kasi keluar dia pung roko saliti ko taro di meja.

• Anda Perlu Waspada! Ternyata Mencium Kaus Kaki Usai Dipakai Bisa Menyebabkan Penyakit Ini

• Bidan Desa Ini Ungkap Kelakuan Bejat Ayah Kandung. Begini Kisahnya

• Manajer Tim Repsol Honda, Alberto Puig Bilang Begini Tentang Valentino Rossi. Bikin Haru!

Ama Tobo tadi malam tidor lat karna dong ada syukuran dong pung tetangga yang dapa jabatan ko ada lantik jadi lurah.

"Ini mutasi rame juga ama e, jadi tadi malam katong acara itu bilang mutasi yang tunda itu karna ada sadiki masala," Tobo omong di Bai Ndu.

Tobo mulai carita panjang lebar soal mutasi di kota sana. Dia sama ketao-tao sa.

• BMKG Berikan Peringatan Dini Agar Mewaspadai Tiga Perairan Ini

• BREAKING NEWS: Nelayan Hewa Hilang di Perairan Pantai Rako Wulanggitang

• Biasanya ke Pasar Ditemani Mama, Sekarang Muzdalifah Belanja Dikawal Brondong. Bikin Pangling Loh

Ina Feok yang ada tidor di kamar dengar sama ke ada dosen kas kuliah.

"Woe bosong dua foe apa ini, bacarita sama ke ada‎ mahasiswa kuliah," Ina Feok togor dong dua.

"Ina katong ada omong soal baganti jabatan di kota sana, soalnya tadi malam Ama Tobo ada dapat carita waktu dong acara syukuran di tetangga na," Bai Ndu jawab Ina Feok.

"Ama e, beta itu hari su omong, bilang kalo jadi pegawe na kerja bae-bae, karna jabatan itu kalo pimpinan parcaya katong. Tapi kalo sonde na kerja sa to," Ina Feok kas inga te itu hari dong pung tetangga ada datang carita soal mutasi.

• Dikenal Kaya Raya, Inilah Deretan Sumber Uang Keluarga Dita Soedarjo

• Pria Ini Lepas Tembakan, Gara Gara Tidak Mau Diingatkan Polisi Soal Aturan Lalin

"Itu su ina,kalo menurut beta yang awam birokrasi ini, ada baeknya pegawe dong tu kerja bae-bae sa jang bapikir it jabatan lai. Biar ko pembangunan di kota ini bisa jalan su," Bai Ndu omong sama ke dong ada nasehat satu pegawe sa. (Oby Lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang