Inga Helem o Ama 

Inga Helem o Ama 

AMA Tobo baru bae saki andia ko dia pung badan masih  lemas.

Su dua hari baptua hanya dudu di  teras rumah ko nonton kendaraan yang lalu lalang.

Di dekat dong pung depan rumah ada tikungan. Biasa rawan celaka. Di itu tampa ju dulu jadi tampat batilang paling ampuh.

"Ama lu itu hari beta su bilang kalo lu mao ojek na bawa beta pung motor sa," Ama Tobo tawar Bai Ndu.

Ini hari dong dua makan di Ama Tobo pung rumah karna Bai Ndu ada  ulang taon. Dia ultah ma son ada yang bamasak andia dia minta tolong Ina Feok  bamasak.

"Katong omong-omong, tapi beta dengar sakarang ini polisi dong tilang terus," Ina Feok kastao Bai Ndu deng dia pung laki.

"Ama lu liat ko sonde, sakarang ini katong jalan musti hati-hati karena polisi su ada di mana-mana, jadi inga jalan na pake helm orang dong ada karja," Bai Ndu tambah karna dia liat Ina Feok ada taro pisang goreng di meja na.

‎"Kenapa ko dong sakarang baru mo operasi bagitu. Mungkin karna dong lia kecelakaan banyak ko. Beta su kasi ingat Tobo kalo pi karja ato mo ojek na inga pake itu helem," Ina Feok tambah samangat omong. (oby lewanmeru)