Tapaleuk
Tapaleuk, EnTeTe Su Tamba Tua
Bai Ndu datang di situ sangaja mo cek aer di Tobo dong pung rumah karna di dia pung rumah aer son jalan su mo sat bulan.
Penulis: Oby Lewanmeru | Editor: Rosalina Woso
lihat foto
Tapaleuk, EnTeTe Su Tamba Tua
POS-KUPANG.COM, KUPANG - Ina Feok deng dia pung laki dudu-dudu di dong pung teras rumah ko bacarita soal dong pung hidop. Apalai salama dua taon ini ekonomi parah deng ada itu corona.
"Ama sakarang su mo tutup taon, te katong dua pung hidup bagini tarus. Balom katong pung jalan deng rumah ju hanya begini tarus," Ina Feok mengeluh tarus, karna jalan maso pi dong pung rumah su ancor.
Ama Tobo son mo dengar, ma dia pikir su mau taon baru jadi harus saling dengar satu deng laen
Baca juga: Tapaleuk, Harga Tiket Su Nae
"Ina memang bukan jalan sa te katong ju masih susah dapat bantuan dar pemerenta dong," Ama Tobo jawab dia pung bini.
Dong dua masih baomong, te Bai Ndu muncul ko bersiul dari balakang.
"Ama lu ini hari ke ane -ane sa ko datang iko balakang, kanapa son iko muka, sana," Ama Tobo togor Bai Ndu.
"Ina bakalae deng sapa, su kanapa ko pagi-pagi bosong dua baribut ini," Bai Ndu sangaja togor Ina Feok.
Bai Ndu datang di situ sangaja mo cek aer di Tobo dong pung rumah karna di dia pung rumah aer son jalan su mo sat bulan.
"Ama e, katong jang omong aer dolo, sakarang ini pemerenta ada pusing karna yang urus aer itu ju su kena ganti. Jadi ada orang baru," Ama Tobo kastao di Bai Ndu.
Ina Feok ada dengar ko dia langsung tanya Ama Tobo. "Kenapa ko katong omong aer lu omong itu pejabat dong. Lu sama ke pegawe ko omong jabatan," Ina tamba emosi.
Baca juga: Tapaleuk, Banyak Soal
Bai Ndu yang su mengerti Tobo pung maksud, dia pi duduk ko omong bae-bae deng Ina Feok.
"Begini Ina lu pung laki itu omong benar, sakarang ini katong pung daerah NTT su tua karna su tamba sat umur lae. Lu tao ko son in hari NTT su umur 64 taon, jadi memang katong harus berubah, terutama itu pejabat dong," " Bai Ndu duduk pangku kaki.
Ina Feok ju su inga bilang in hari tanggal 20 te pas ulang taon EnTeTe, jadi dia akui memang ini daerah su tua. "Mat ulat EnTeTe mudah-mudahan samua bisa barubah," Ina Feok taro kopi di meja kas Tobo deng Bai Ndu.(oby lewanmeru)
ikuti Berita POS-KUPANG.COM di GOOGLE NEWS
