Tapaleuk, Harga Tiket Su Nae

Tapaleuk,  Harga Tiket Kapal Su Nae

POS-KUPANG.COM, KUPANG - Ama Tobo su rencana bersama keluarga akan liburan pi dong pung kampung di Sabu saat hari Natal dan tahun baru. Dong rencana su talalu lama.

Suatu pagi, Tobo ada duduk talepo di depan teras rumah. Ba,i Ndu yang lia Baptua pun langsung singga.

Tobo yang ada serius pun sonde toe deng Ba,i Ndu.

Baca juga: Tapaleuk, Banyak Soal

Lia Tobo yang cuek talalu, Ba,i Ndu ju sonde mau diam, Baptua langsung papoko Tobo dibelakang.

Tobo yang kaget,"We tua, lu su kenapa ni. Beta ada diam-diam na lu pukul ni," Tobo togor Ba,i Ndu sambil tarek dia pung roko

"Beta ada serius pikir ni. Natal dan tahun baru pi di kampung sana, pasti talalu bae, apalagi jalan rame-rame deng kelu dong," Tobo mulai bacarita deng Ndu

Karena lia Tobo talalu serius pikir mau liburan di kampung, Ndu ju kasih informasi yang buat Tobo kecewa.

"We lu sonde tau kow,? Tadi beta baca berita kalau tiket kapal su nae," Ndu kasitau Tobo sambil senyum-senyum.

"Adow, betul kow," tobo tanya lai di Ndu.

Baca juga: TAPALEUK :  Tobo su taku kana tangkap

"Betul ew, tari beta baca begitu na, harga tiket su kasi nae, dan hari ini mulai berlaku," Ndu kasih yakin tambah Tobo lai

"Adow, kalau begini ni, besok beta harus pi cek lai di pelabuhan untuk informasi yang jelas lai," Tobo sambung Ba,i ,Ndu pung suara langsung bangun jalan. (Ray Rebon).
 

Ikuti Berita POS-KUPANG Lainnya di GOOGLE NEWS