Tapaleuk

Tapaleuk :  Jago Bapanah

Bai Ndu sonde jawab, dia ondor aga jauh baru tarek bawa Ama Tobo dekat pohon gamal baru dia kastau

Editor: Edi Hayong
ILUSTRASI/POS KUPANG
Tapaleuk Pos Kupang 

Tapaleuk :  Jago Bapanah

AMA Tobo ini hari dia su stel rapi dengan pakaian olahraga mau pi lari-lari di Tamnos.

Disana ju baptua katumu deng Bai Ndu ada senam pagi deng tentara dong.

Penasaran Ama Tobo jalan menuju dong, dia pi dekat-dekat Bai Ndu ko tanya.

"Bai Ndu skarang su bakonco deng ana loreng dong e e,  feo dong pake apa lai ni," Ama Tobo su penasaran.

Bai Ndu sonde jawab, dia ondor aga jauh baru tarek bawa Ama Tobo dekat pohon gamal baru dia kastau.

"Kemarin bet pi Penfui di Lanudal sana, beta lihat dong ada latihan bapanah, ma sonde tau kena-kena sasaran, beta pi coba satu kali langsung kena papa e," Bai Ndu cerita sonde putus.

"Andia karna beta jago panah dong ada hiki bawa beta ko latihan fisik, sapa tau beta bisa jadi atlet," Bai Ndu puku dada.

"Papa tua e inga umur, b dengar-dengar kemarin bilang atlet itu batas 25 taon sa, ko skrang paitua su 52 taon ni pelatih ju sonde pasuk kriteria memang hahaha," Ama Tobo ketawa puas.

Gara-gara Ama Tobo ketawa kuat-kuat Bai Ndu lansung tersinggung ma dia tahan-tahan sa, dalam hati dia bilang,

"Lu tunggu ee beta bawa busur sebentar bet panah baru lu liat beta pung jago," Bai Ndu omong dalam hati ko jalan kastinggal Ama Tobo sendiri.(Ryan Tapehen)

Ikuti Berita POS-KUPANG.COM di GOOGLE NEWS

Sumber: Pos Kupang
  • Ikuti kami di
    KOMENTAR

    BERITA TERKINI

    Tribun JualBeli
    © 2022 TRIBUNnews.com Network,a subsidiary of KG Media.
    All Right Reserved