Tapaleuk

Bapa Jokowi Pi Flores

Ama Tobo dengar ini Bai Ndu pung kalimat, sonde mau omong banyak lai. Duduk ko hanya lihat ame ini sakop sah

Editor: Edi Hayong
ILUSTRASI/POS KUPANG
Tapaleuk Pos Kupang 

Bapa Jokowi Pi Flores

 PAPAGI  Ama Tobo ada buru-buru pi kantor desa. Baptua ada mau Pi ambil BLT. Dong pung BLT bapa desa baru bawa datang. Ama Tobo ada senang mati pung. Dia ada cerita deng tetangga dong kalo su hamper lima tahun dia terima ame ini bantuan. 

"Bae su. Bapa Jokowi kasih katong doi terus. Ini baptua paling bae su oooo. Umur-umur beta dapat bantuan begini," Ama ada cerita senang, pas Bai Ndu ju lewat terima aes bantuan. 

"Ama e, bapa Jokowi mau pi Flores," Bai Ndu Tobo kas tauh Ama, te dia bar habis dengar cerita ju dari bapa desa. 

Dengar Bai Ndu pung teriak bapa Jokowi, Ama Tobo lari datang ko bisik Bai Ndu. "Bai, te bapatua datang Kupang ju ko?, pasti baptua bawa bantuan lagi oo," dalam hati sah, Ama su senang kal Jokowi bawa bantuan lai. 

Bai Ndu deng Ama Tobo, ba'ajak ko pulang rumah mau lanjut cerita. Belum sampe muka rumah ju, Ama Tobo su tanya Bai Ndu lai. "Bai, betul ko bapa Jokowi mau datang ," ini Ama Tobo senang mati pung, te ini bantuan datang lagi. 

Bai tarek ame ini tembako sek baru makarutu, Ama e bapatua sonde pi Kupang. Baptua pi Flores. Besok ada mau apel di Ende aa. Apel Pancasila tu. Tau ko sonde, Ama?. Di Kupang baptua su datang ulang-ulang ju, su ada bantuan banyak-banyak tu Bai. Katong ni baptua talalu sayang sampe hamper tiap bulan bawa bantuan datang. 

Ama Tobo dengar ini Bai Ndu pung kalimat, sonde mau omong banyak lai. Duduk ko hanya lihat ame ini sakop sah. 

"Baptua sonde pi Kupang, bantuan sonde ada datang lai. Beta pi bantu orang ko dapa doi sadiki beli aer galon," Ama Tobo ada pikir dalam hati ni. 

"Ama, lu pi bantu orang ko dapa doi. Lu hanya urus itu bantuan sah. Dalam lu pung otak itu bantuan sah. Lu ada tenaga tu, kerja ko dapa doi," Ina Feok su tariak dar samping rumah. Mamtua dar tadi ada perhatikan ini dong pung cerita. (Irfan Hoi)

Sumber: Pos Kupang
  • Ikuti kami di
    KOMENTAR

    BERITA TERKINI

    Tribun JualBeli
    © 2022 TRIBUNnews.com Network,a subsidiary of KG Media.
    All Right Reserved