TAPALEUK

Katong Musti Dukung Penjabat Bupati

Ina Feok ju su tao bilang dong pung bupati su abis masa jabatan, jadi musti ada orang jadi penjabat bupati

Penulis: Oby Lewanmeru | Editor: Edi Hayong
ILUSTRASI/POS KUPANG
Tapaleuk Pos Kupang 

AMA  Tobo su satu minggu ini dia sonde di rumah te ada pi nonton orang karja di hutan mangrove sana. Dia deng Ina Feok ju ada dengar pemerenta ada mo bangun wisata baru.

"Ama lu kenapa pulang malam langsung tidor, jang sampe lu ada mabok laru ko," Ina Feok tanya dia pung laki.

Memang su dua hari Ama Tobo keluar dari rumah pagi-pagi pulang su malam.

 Dia biasa jalan kastao dia pung bini, ma su dua hari dia jalan sa.

 Ina Feok ju su tao bilang dong pung bupati su abis masa jabatan, jadi musti ada orang jadi penjabat bupati.

"Ama e, beta ini hari baru lia muka, ada pi mana," Bai Ndu ju su sambung dari muka Tobo dong pung muka rumah.

"Ama, lu dengar ko sonde selama dua hari berturut-turut tu beta ada bantu urus mo jemput penjabat bupati," Tobo jawab di pung bini deng Bai Ndu.

Bai Ndu yang dengar langsung diam-diam karena dia su tao kalo Tobo di sana pasti ada tasibuk ma  pasti ada minum laru baru pulang.

"Berarti ama dua hari ini sonde ojek ko beta son lia di pangkalan. Beta kira ama sonde ada tu ada pi luar daerah ko," Bai Ndu su masok ko duduk di dalam Tobo dong dalam rumah.

"Tao ama e, te ini su satu minggu dia bajalan pulang tenga malam. Beta ju son tanya," Ina Feok geleng-geleng kepala.

Halaman
12
Sumber: Pos Kupang
  • Ikuti kami di
    KOMENTAR

    BERITA TERKINI

    © 2022 TRIBUNnews.com Network,a subsidiary of KG Media.
    All Right Reserved