Tapaleuk, Motor Banyak Utang

POS-KUPANG.COM, KUPANG - Ama Tobo kemarin dapat terima kerja di satu bengkel. Dia pung bini Ina Feok senang mo mati, biar ko baptua kerja jang tanganga sa di rumah tiap pagi.

Ini pagi Amata Tobo kastau dia pung bini, "Ina nanti siang antar beta pung makan siang he di tampa kerja, maklum baru masuk kerja bagini belum ada doi,".

"We tua lu sonde malu ko, pake antar makan siang inj, pikir ana TK ko, jqng sampe beta antar habis minta hao lae," Ina Feok omong sonde habis pikir deng dia pung laki.

Baca juga: Tapaleuk, Tanam Jagung Panen Sapi

Mentang-mentang su ada kerja jadi permintaan aneh-aneh. Dia pikir di rumah ini hanya tidor bangun si de ada kerja bagitu

"Neo mama beta cuma kastau sa. Ma kalo sonde mau sonde apa-apa nanti beta makan di warung samping sa," Ama Tobo jawab ju lansung bangun jalan.

Pas di bengkel dia liat Bai Ndu ada nere-nere dorong dia pung motor  jadul A100 masuk datang.

"Bai, motor kanapa lae, ke beta liat cocok jadi besi tua ma Bai Ndu pung sayang ame ini barang," Ama Tobo mulai batanya.

"Lu tau apa, biar tua tapi banyak kenangan, jang ke basong pg motor model sa yang gaul ma banyak di utang, ke beta pung motor beli cash, ma kalo bosong muku kredit ma leasing datang lari hilang," Bai Ndu jawab telak di ulu hati, apa lai banyak ana muda yang di itu bengkel dengar telinga panas ma aonde bisa buat apa-apa.(Ryan Tapehen) 

Ikuti Berita POS-KUPANG.COM Lainnya di GOOGLE NEWS