Tapaleuk: Su Mau Musim Tanam

POS-KUPANG.COM, KUPANG - Su hampir dua hari ni hujan turun terus. Sadiki lai su mau masok musim tanam. Turun son lama ma bikin orang kaget su deka-deka musim tanam ni. 

Sementara Ama Tobo su mengeluh sah. Baptua pung kebun belom sempat kasi bersih ma hujan main turun. 

"Aweee ini hujan turun awal begini kebun ju belom sempat kas bersih. Lama-lama beta tanam pi sah," baptua ada mangomel sendiri di muka rumah. 

Baca juga: Tapaleuk: Sayur Darurat Akhir Bulan

Ama son tauh, dia pung istri Ina Feok deng Bai Ndu su kas bersih dari Minggu lalu. Bapatua kaki ada saki na makanya hanya dudu sah di rumah. 

Kaki sakit ma Ama Tobo ada dapat carita dari orang dong kalo Pemerintah ada siap pupuk deng bibit ju. Ama ada pikir ini pupuk deng bibit sapa mo pi ambil nanti. 

"Ina... Ina ... Ini perempuan satu ni su mau sore ada bajalan Pi mana e. Dudu tenang-tenang ko pikir urus bersih kebun ko apa, ini bajalan sah" baptua son tau Ina ada pi kas bersih kebun. 

"Kenapa lai Ama e. Beta ada cape cabut rumput di kebun. Su mau musim tanam lu ju kaki saki. Beta sendiri kerja ni" Ina su sambar dar samping rumah. Mamtua baru dari kebun. 

Ina ada carita kalo besok pagi dong mo  pi kantor desa ko kasih masuk surat mo minta bantuan bibit deng pupuk. Pemerintah ada kas tauh kalo pupuk dong su siap. 

Baca juga: Tapaleuk : Sadar Umur Su Tua

Omong-omong ma Ina Feok ada minta ko Ama yang pi kantor desa kas masuk surat. Ina ada lanjut kas bersih kebun papagi nah. 

"Ina e. Beta kaki ada saki ni bajalan lai nah ini taon beta sonde bisa iko tanam su e" Ama jawab sante sah. (Irfan Hoi)

Ikuti Berita POS-KUPANG.COM di GOOGLE NEWS