Tapaleuk

Tapaleuk : Sadar Umur Su Tua

Ina Feok duduk di rebis rumah sambil bacarita deng nada emosi deng Ama Tobo yang ada parbaiki dinamo aer yang rusak

Editor: Edi Hayong
ILUSTRASI/POS KUPANG
Tapaleuk Pos Kupang 

Tapaleuk

Sadar Umur Su Tua

POS-KUPANG.COM, Baru pulang balanja sayur di pasar, Ina Feok duduk di rebis rumah sambil bacarita deng nada emosi deng Ama Tobo yang ada parbaiki dinamo aer yang rusak.

"Ama, tadi pas jalan di pasar ada balanja bawang, ada satu motor lewat deng suara knalpot racing bikin katong dalam pasar talinga sakit samua," ina mulai carita buang umpan.

"Trus karmana?," Ama tobo ada sibuk babongkar dinamo hanya respon singkat.

"Itu ana kici bawa itu motor dar jao su dengar itu racing pung bunyi, katong talinga sakit dengar, baru pas dia lewat, orang pasar maki ancor dia sonde enak pung," ina feok cerita deng berapi-api.

"Oh... Begitu e... Na lapor di polisi su, itu knalpot racing su ganggu kenyamanan warga di dalam pasar," Ama Tobo tetap respon tapi tangan dong masih sibuk perbaiki kabel angus di dalam dinamo.

"Ho, beta rasa mau telpon polisi biar polisi amankan itu motor knalpot racing, te sakarang polisi ada gigi asam deng itu knalpot racing, kamarin beta lewat di Bhayangkara sana, ada bajejer rame sa itu motor racing dong," Ina Feok tambah samangat carita.

"Ina yang batul sa? Beta ju kapingin ada racing satu di rumah, kira-kira katong bisa lobi ambil satu di pak polisi sana ko?," Ama Tobo yang dengar Motor Racing langsung samangat 45.

"Ama stop e itu keinginan motor racing, sadar umur ju, su tua sakarang, jadi son cocok le itu barang, jang aneh ju, lebe bae cari aman sa," ina feok kas ingat dia pung laki. (CR14/ Christin Malehere)

Sumber: Pos Kupang
  • Ikuti kami di
    KOMENTAR

    BERITA TERKINI

    © 2022 TRIBUNnews.com Network,a subsidiary of KG Media.
    All Right Reserved