Tapaleuk
Tapaleuk: Jang Cari Hal Deng Narkoba
Ama Tobo langsung garagas minum soalnya tadi di hotel baptua malu karna sonde biasa minum di tampat mewah dong.
lihat foto
POS-KUPANG.COM - Ama Tobo papagi su ba stel rapi kameja lengkap deng sapokat. Baptua itu pagi ada agenda mau iko sosialisasi di hotel tentang bahaya Narkoba.
Ama Tobo pamalas jalan sandiri makanya gae ame Ba'i Ndu ko bakawan deng dia.
Dua orang bale su sore, sampe deng sampe Ama Tobo langsung pange Ina Feok ko beking kopi.
"Dua orang dari mana ni, kaluar dari pagi sore baru bale ni, pulang bawa uang dalam karong bae, " Ina Feok tanya dia pung laki.
Baca juga: Tapaleuk: Bikin Berita Dalam Berita
Kopi sond lama langsung sampe di meja, Ama Tobo langsung garagas minum soalnya tadi di hotel baptua malu karna sonde biasa minum di tampat mewah dong.
"Beta ni tadi pi iko sosialisasi di hotel tentang bahaya narkoba, wih ternyata narkoba ni talalu bahaya e dia pung efek samping talalu parah apa le untuk ana muda dong, " Ama Tobo kasih sakola Ina Feok.
Ina Feok sonde yakin dia pung laki pi iko seminar ni untuk dengan materi, di mamtua pung pikiran pasti Ama Tobo mau dapa uang duduk sa.
"Dapa uang duduk barapa o, " mamtua tanya deng sinis.
Baca juga: Tapaleuk: Mau Kas Taku Sapa O
"Andia katong sonde tau maju-maju ni karna ini, di basong pung otak ni hanya uang sa, sakarang ni uang sonde penting, yang penting tu apa yang katong dengar bisa katong lakukan dan bagi pi orang laen supaya katong pung generasi muda ni sonde salah jalan deng pake narkoba, " baptua omong bagitu ma tangan ada di dalam saku ko jaga bae-bae itu Amplop (Berto Kalu).
