Tapaleuk
Tapaleuk: Dong Sonde Urus
Ina son toe memang. Mamtua simpan aes minyak dong di belakang, langsung masok kamar. Son makan memang
lihat foto
Tapaleuk: Dong Sonde Urus
POS-KUPANG.COM, KUPANG - Ama Tobo ada dudu minum kopi sore di muka rumah. Baptua tarek ame tembako sek deng makan ubi rebus. Ama bar dari kebun siram sayur. Ama sendiri sah di rumah. Ina Feok ada pi pasar.
Su mau sore, ayam su nae kayu Ina belom pulang pasar. Ama su nae darah ni. Sayur dong belom tumis, minyak goreng ju habis. Ama kunya siri su gelisah sah.
"Ini orang jalan pi pasar dari siang sonde tau pulang rumah ni. Mangkalai mau tidur di pasar ko apa e" Ama su mengomel sah.
Dangar ribut, takuju Bai Ndu ada lari datang ko tanya. "Ama lu kenapa?" Bai ada tanya pikir ada apa ko. Ama sambar sah dari samping rumah " eh, Ina jalan dari siang pi pasar ma son tauh pulang rumah ni Bai.
Baca juga: Songsong Hari Bhayangkara ke-76, Bhakti Kesehatan Polda NTT Targetkan 500 Kantong Darah
Ada masak apa di rumah nah beta makan do Bai. Bet su lapar ni" Ama omong son berenti lai. Baptua su emosi.
Mau hamper jam 8, Ina Feok ada muku jalan cepat dari gelap datang. Ina son omong banya, langsung masok rumah. "Ina, beta pikir lu tidor di pasar" Ama su mulai tanya banya.
Ina son toe memang. Mamtua simpan aes minyak dong di belakang, langsung masok kamar. Son makan memang. "Ama masak kas beta aer panas do" ina omong pelan sah dar kamar.
"Ho, lu jalan bar beta masak kas lu aer panas e. Ini perempuan memang e" Ama mengomel ma tangan sementara angkat tacu ko masak aer. Ama pikiran ju.
Baca juga: Tugu Jam BI Bangkitkan Kenangan
Lihat Ina sonde keluar kamar, Ama iko masok kamar ko tanya Ina. "Ina lu knp, ada sakit ko apa" ama ada korek Ina ma mamtua omong pelan sah.
Dengar ini Ama batanya banya, Ina Feok juga meruak. "Ama e. Lu jangan pi di itu pasar dekat pante lai e. Itu pasar talalu babao mati.
Ada bangunan tinggi ditengah tu, awiii, dia pung aer dong buang sah jadi katong hirup kepala sakit sampe mau muntah ni Ama.
Beta tadi ada jalan pelan dar pasar, dia pung babao talalu Ama e" Ina ada kas tauh Ama.
Baca juga: Komentari Kasus Yang Menimpa BKH, Ketua DPD Demokrat NTT: Itu Jelas Rekayasa
Dangar Ina cerita, Ama ju sambar sah. "Ina, itu tempat memang babao aa... Pemerintah pung ma dong sonde urus ju ni. Katong lewat sah su kepala sakit nah" Ama ju cerita, kal dia pernah masok di itu tempat. (Irfan Hoi)
