Tapaleuk

Mulai Pake Leu-leu

Ama Tobo gigit bibir. Baitua paling suka dengar bilang ada yang pake leu-leu na. Ama Tobo sonde sombong ma dulu

Mulai Pake Leu-leu
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo duduk dengar Ina Feok pung carita. Maita baru pulang dari pasar. Siang bapanas ma maitua foe bae-bae ko carita kas Ama Tobo.

Ama Tobo gigit bibir. Baitua paling suka dengar bilang ada yang pake leu-leu na. Ama Tobo sonde sombong ma dulu pernah jadi pemaen itu barang. Ontong sa kawin deng Ina Feok jadi su barenti samua. Ama Tobo ondor ko dekat Ina Feok. Dia pung talinga su mulai panas na.

"Makanya duduk jang tanganga. Dong ke pake apa ko. Omong ini nona iko sa. Minta apa, dia kasih sa. Giliran su jalan baru ini nona takuju. Mau iko ju sonde tau pi mana. Sakarang dong ser orang pasar sa na. Dong ame barang baru sonde bayar lai. Bukan baru satu kali sa. Su ulang- ulang na."

Maia Estianty Hamil? Menjawab Begini Ketika Ditanyai Kehamilannya Usai Dinikahi Irwan Mussry

Ramalan Zodiak Malam ini - Aries Segera Petakan Serangan, Tes Sudah Selesai Leo jadi Santailah

Drakor Clean With Passion For Now Rating Tertinggi di Episode 1, Malam ini Episode 2 Tayang

Ama Tobo sonde omong apa-apa lai. Baitua diam sa. Takuju te bangun ko jalan pi pasar. Dia tanya itu orang dong, kanal itu perempuan deng laki ko sonde. Ama Tobo mo pi lapor polisi na. Ko itu orang dong bilang ada tanda dia pung motor.

"Sakarang ni orang cari idop ada-ada sa. Ada yang pake jalan batul, ada yang paka neo. Kitong mus jang tanganga. Orang baru yang beken aneh-aneh habok sa. Usir kas lari pi mana ko. Kitong mo natal bagini baru datang ko beken kaco."

Ama Tobo omong panjang na. Ko ais dia katua RT to, jadi mus kastau masrakat dong. Kalo sonde nanti dia tarima honor pordeo to. (Sipri Seko)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Sipri Seko
Editor: Putra
Ikuti kami di
KOMENTAR

BERITA TERKINI

© 2019 TRIBUNnews.com Network,a subsidiary of KG Media.
All Right Reserved