Tapaleuk

Imigran Hidop Aman dan Dame

Ternyata lu pung info jua ada baeee karna beta nih son tau bajalannn na jadi son tau situasi di luar sana

Imigran Hidop Aman dan Dame
GRAFIS POS KUPANG/TYA MEOK
ilustrasi 

POS-KUPANG.COM - Bai Ndu lipat ame kaki di teras ruma sambil minum kopi. Bapatua ini hari cum pake sarung deng baju kaos singlet ko masko pisang goreng panas-panas sambil bacarita ame deng Ina Feok.

"Lu ada dengar carita angin kow sonde? Karna bet ada dengar skarang ini ada banya imigran dan pangungsi dari nagara Timor Tenga, juga dari beberapa nagara Asia," kata Bai Ndu.

Dia mulai tarus lanjut carita... "Tapi bet dengar kalo dong itu di tempat penampungan di beberapa tampa di Kota Kupang... hidup aman dan damai... sonde pernah batasibuk," kata Bai Ndu.

Baca: BERITA TERPOPULER - Ramalan Zodiak Malam, Sosok Aldo Longa Hingga Meninggalnya Cucu Wiranto

Baca: Ramalan Zodiak Hari Ini, Sabtu 17 November 2018, Scorpio Jangan Jadi Mangsa Idealisme

Baca: Inilah 5 Hal yang Bisa Kita Pelajari dari Film BTS: Burn The Stage

Ina Feok yang cum tanganga dan dudu dengar ju su mulai angka bicara.

"Lu pung talinga nihhh sama ke radarrrr saaa eee.. radiogram kalah cepat deng suara gram saa..lu kalo dengar ame satu informasi jang satenga satengah woww.... harus cerna deng baeee baru baomong. Karna kalo tau satenga lalu tamba sendok pata lebe banyakk... ini yang soeee, kata Ina Feok.

Bai Ndu dengar ame Ina Feok pung baomong... dia cum sanyum tipiss sa.

"Beta nihh kalo dengar info suka ba bagi carita deng luuu ang supya lu ju jang bloon dan cum tanganga sa. Info tuhhh panting supaya lu ju tau ame situasi sosial danlingkungan sakitar," kata Bai Ndu.

Ina Feok Takuju dengar ame Bai Ndu pung paringatan.....

"Ternyata lu pung info jua ada baeee karna beta nih son tau bajalannn na jadi son tau situasi di luar sana," kata Ina Feok sambil cubit ame Bai Ndu paha.

Lu kalo su ba cubit bagini su mulai ganitt angg... "coba kalo baomong ato bacaraita na it tangan jang suka bagatal koww ba cubit ame kitong pung paha... ini yang bisa bekin kitong pung birahi bisa naeeek di ubun ubun," kata Bai Ndu.

Ina Feok cum katawa tipisss saaa... "Lu nih beta cum upan tipis saaa. su mulai sambarang... inga sakarang nihhh kalo bagatal bisa kana pasal percabulaannn angg," kata Ina Feok(ferry ndoen)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik tapaleuk Pos Kupang hadir setiap hari Senin sampai Sabtu ditulis para wartawan Pos Kupang

Penulis: Ferry Ndoen
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved