Tapaleuk

Aer Masih Tergenang di Jalan

Pas dia mo jalan te Bai Ndu su datang. Biasa kalo pagi bagitu Bai Ndu datang ko dia deng Ama Tobo bacarita.

Aer Masih Tergenang di Jalan
GRAFIS POS KUPANG/TYA MEOK
ilustrasi 

POS-KUPANG.COM - Ama Tobo bangun pagi langsung pi di simur ko maloi aer di sumur te su lama itu sumur di belakang rumah su kering.

"Ama lu buru-buru bangun ko pi mana, lu sonde lia ada hujan ni," Ina Feok togor dia pung laki

Ama Tobo yang dengar dia son toe karna dia ada pikir kalo sumur su ada aer na dia mo minta orang kasi bersih.

Pas dia mo jalan te Bai Ndu su datang. Biasa kalo pagi bagitu Bai Ndu datang ko dia deng Ama Tobo bacarita.

Baca: Libra Dan 4 Zodiak Ini Paling Cocok Dijadikan Pasangan Idaman, Loyal Dan Suka Beri Hadiah Romantis

Baca: Inilah Potret 7 Member BTS Saat Berambut Pink, Mana yang Paling Tampan?

Baca: Penggemar Drama Korea, Intip 10 Drakor Yang Bakal Tayang Bulan Oktober 2018

"Ama lu su datang lai, padahal beta ada mo pi lia sumur di belakang rumah, jang sampe su ada aer," Tobo pi dekat Bai Ndu.

Ina Feok yang dengar dia ju pi ko dong tiga bacarita karna hujan balom berenti ju.

"Ina katong sakarang musti kasi bersih kebun su te hujan su datang," Bai Ndu su omong soal kebun lai.

"Ama e, beta tadi dari pasar sana katong dengar orang dong samua ada mengelu karna jalan penuh deng aer. Tao ini pemerentah dong ada lia ko sonde," Ina Feok su foe.

"Batul itu Ina, bukan saja dong yang omong te, sakarang samua omong, kanapa ko masih ada jalan yang tergenang aer. Padahal, katong liat tiap tahun ada kerja jalan," Bai Ndu bangun ko minta rokok di Ama Tobo.

Ama Tobo yang sonde jadi pi lia itu sumur dia hanya diam ko angguk-angguk sa.

"Ama lu jang angguk sa, coba kalo hujan na lu jalan ko maloi sadiki itu jalan dong. Pasti lu katumu ada aer tergenang di jalan," Ina Feok pi dapur ko buat kopi kasi dia pung laki deng Bai Ndu. (oby lewanmeru)

* Tapaleuk adalah rubrik khas Pos Kupang edisi cetak yang hadir sejak awal terbit tahun 1992. Isinya secuil esai ringan mengenai aneka fenomena sosial yang dikemas dalam bahasa Kupang

* Rubrik ini hadir setiap hari Senin sampai Sabtu ditulis para wartawan Pos Kupang

Penulis: Oby Lewanmeru
Editor: Putra
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved