Kuliner NTT, Kolak Ubi Timor Mix Pisang ala Ferry Ndoen dan Catatan Melewati Semester I 2023

Inga kalo doii su cair na inga manetes sadiki ini doiiii... bagi ini staf dong yang su karja capek sampe ini doiii dong bisa cair.

Asal jang pancuri ame dari doiii fisik... tapi ame spotong dari hasil keuntungan ko bagi sadiki sadiki ini staf yang su perlancar  dan bantu perlancar ini adminitrasi.

Jang sampe pegang aer tapi sonde  ma netes.

Bagi sadiki ini berkat walo di muka pinto kantor balai ada tulis di larang gratifikasi.

APalai su pasang foto pak menteri pung muka yang garang dan muka asam dilarang gratifikasi.

Lalu kitong su mulai terjemahkan lurus... ko pak menteri sa su larang sonde bole ada gratifikasi.

Ya... kalo sekedar untuk belli  kopi dan gula ato beli rokok... dan dikasih dari hasil keuntungan mitra kerja ya  beta pikir ini ju bagi berkat bukan gratifikasi.

Karena kasi untuk urusan kopi gula dan makanan ini urusan perut, bukan kasi untuk foya foya deng parampuan.

Asal jang pake dari uang fisik paroyek, nanti takaran semen mesti 4-1 dong bikin 7-1.

Abis pasang saluran irigasi, balom 1 bulan su ambruk bau bilang pak bupati bikin surat force mayor atau karena bencana.

Jang sampe pegang er tapi aer ju sonde manetes. Ini ju sonde baeee. 

Ini bapa PPK dan Kasatker ju skali skali ajak ini staf pi menyanyi di X2 ato di happy pappy biar ko ini staf dong ju samangat karja.

Bawa dong pi menyanyi karoke skali skali, biar ko sonde monoton.

Jang sampe ini ibu- bapak kasatker dan bapak-ibu PPK dong sampe kapala seksi dan kapal balai dan kapala kantor selalu tegang deng urusan karja.

Kalo kitong skal skali pi menyanyi deng staf... kan enak.. samua jadi sonde tegang.