Kuliner NTT, Kolak Ubi Timor Mix Pisang ala Ferry Ndoen dan Catatan Melewati Semester I 2023

Inga.. mati sonde  bawa ini doiii tapi cuma bawa tana kapling 1x2meter.

Beta ju mo kasih inga ini pejabat dong ko jang bikin diri talalu tasibuk.

Kalo staf dong bawa ini berkas na cepat ne'e su itu berkas... jang suka ba tahan ame itu berkas dan bikin diri talalu tasibuk.

Inga kalo kitong su cepat ne'e ini berkas berarti su perlancar semua paroses administrasi.

Jang sampe ini berkas ba tumpuk di atas meja karena ini PPK dan Kasatket dong balom tanda tangan ini berkas.

Hidup ini bikin yang enak saaa....

Kalo ada yang enak kenapa mesti diperumit, kalo ada yang simple kenapa musti dibuat perpajang dan bikin taputar.

Inga kalo katong su ne'e ini SPJ dan berkas dan tangan berarti kitong ikut mempercepat dan perlancar ekonomi di masyarakat karena kitong su tanda tangan ini SPJ.

Jang suka bikin lama lama, bikin diri tasibuk seolah olah kitong sa yang urus ini negara.

Ini pengusaha dong ju jang suka ba tahan ajukan dokumen ko biar cepat proses SPJ makin cepat ke KPN.

Kadang ini pengusah dong ju sonde mau rugi deng bikin dokumen dan jilid kalo ini progreess masih kici.

Dong sonde mau buang uang Rp 2,5 juta ato uang 3 juta untuk pi jilid dan bikin ini dokumen pencairan doi termin.

Padahal KPKN su tunggu kapan  ko bisa ada penarikan ini uang termin paroyek ko ini biar ko ekonomi negara ju bisa jalan deng bae.

Dong tunggu su banyak baru dong mo bikin ini dokumen satu kali tarek termin karena sonde mo rugi.

Mo tarek doi termin yang faeeeng pung.