Kuliner Khas NTT, Daging Babi Kiriman Mama Mantu dari Desa Wairasa Anakalang Sumba Tengah

Inga laiiii lauk untuk makan siang ,dan ingo ko kasai tengah ju buat anak anak nanti pulang sakolaaa..

Kalo maitua sonde kasi ingaaa… bos tau toh…. Kitong makan bisa ilang kira na.

Kitong bisa kabas ini daging babi goreng tepung kasi abis….

Apalai ini daging babi muda…. Jadi dia pung rasa sangat empuk..

Dia pung kulit ju tipis dan empuk…. Beta kunya sampe mulut asam… lida keluhhh bos…

Tapi jang pikiran negatifff kalo su omong isap daging deng lida sampe mulut keluhhh.

Hodip ni kitong musti banyak canda dan banya katawa tohhh bos…

Jang talalu tegang, ada nga’a na nga’ a…. ada nginu na nginu… kalo ada karja Pak Piet Piet Talo (alm mantan Gubernur NTT) suka bakalakar …. Nanti dong bangu lari…. Kata Orang Sabu Liae.

Artinya, kalo ada makan na makan, kalo ada minum na minum…. Tapi kalo ada karja na bangun lari alias pamalas…, su mulai ba sili kalo ada karja… mo makan dan minum sa tapi

sonde mau karja kata orang Kupang… kwkwk.

Apalai makan daging babi goreng tepung pakai sambal dabu dabu perasan jeruk nipis Timor ato jeruk purut Timor…. We lecker bos… lupa ngana pe telinga sabala.

Ok, salamat menikmati berka Tuhan, daging babi goreng tepung ala Sumba Tengah, Anakalang ala Ferry Ndoen, GBU Rabu 15 Maret 2023. (fen)

Ikuti Pos-Kupang.Com di GOOGLE NEWS