Tapaleuk, Kalender Doi

POS-KUPANG.COM, KUPANG - Ina Feok kastau dia pung laki Ama Tobo  kalo tadi pagi ada terima kalender 2023. Itu kalender dari salah satu orang yang mau maju dewan.

Dia pung gambar besar dengan senyuman menawan tambah deng embel-embel partai besar-besar di bagian atas kalender.

"Adoh ini mau liat tanggal sa bacari ini angka stengah mati, ma ini foto tutup buang angka dong ko apa ni," Ama Tobo mangomel.

Baca juga: Tapaleuk,Katong Sama-Sama Atasi Masalah Stunting

"Itu tanggal son penting, sama sa deng kalender laen, ma kalo itu orang berani kasi kalender tanggal merah banyak bt akan foa bawa beta pung kelu semua pilih dia," Ina Feok jawab dia pung laki.

Tetap sa Ama Tobo sonde puas. "Tadi datang itu orang kasi kalender deng doi ko sonde mama," Ama Tobo balek tanya dia pung bini.

"Ada lae kasi kalender na harus bayar, bapa ada-ada sa, dia hanya mo kastunjuk sa kalo dia mau calon dewan ha bapa, kalo bapa sonde suka na jang nodek dia to," Ina Feok jawab bale.

Ama Tobo sonde puas karena itu foto yang tatempel di kalender beda aliran deng dia, ma coba kalo tadi pas kasi kalender tempel deng daun merah pasti dia ju iko pindah aliran.

Baca juga: Tapaleuk, Sonde Nodek

"Sabantar gunting buang itu foto biar hanya tanggal sa yang katong liat," Ama Tobo emosi.

Ma dia ju manyasal sa coba tadi pas bagi-bagi kalender dia yang tarima bae, sapa tau bisa dapat tempel deng daon merah.(Ryan Tapehen) 

Ikuti Berita POS-KUPANG.COM Lainnya di GOOGLE NEWS