Tapaleuk

Tapaleuk, Barenti Minom Mabo

Ina e, andia katong su tunggu Moke Aimere bawa datang Kupang, takuju sampai Maumere sana kena hiki ko sonde.

Penulis: Gordi Donofan | Editor: Eflin Rote
ILUSTRASI/POS KUPANG
Tapaleuk Pos Kupang 

POS-KUPANG.COM - Pagi-pagi ama Tobo su dudu baca koran. Sambil pangko kaki, ama Tobo tarek ame roko satu batang deng minum kopi satu gelas.

Takuju Ina Feok datang ko togor san bapa tua.

"Awui lu ada baca apa papagi buta ni,"Ina Feok tanya dia pung laki.

"Lu tau ko sonde, om polisi dong su maen hiki moke Aimere di Flores sana ni,"ama Tobo kasi panjalasan.

Ina Feok mangkarut dia pung dahi lihat tingka dia pung laki.

Ina Feok takuju tanya balek Ama Tobo.

"Ama ko memang kenapa? itu dong pung urusan ama, ko sonde diam-diam sa," ujar Ina Feok putar badan balek ko pi dapur.

Ina e, andia katong su tunggu Moke Aimere bawa datang Kupang, takuju sampai Maumere sana kena hiki ko sonde.

"Susah su datang, natal deng taon baru katong sonde minum moke lai Ina e," Ama Tobo tingka ke manyasal.

Takuju Ba'i Ndu datang ko batanya, kenapa papagi su baribut ni ama,"tanya Ba'i Ndu.

Ama Tobo langsung menyao, Ba'i Ndu e, susah su datang ni, andia ang katong sonde ceke mabok lai, Moke su hiki semua.

Ina Feok muncul dari dapur bawa deng sutel, he te besong dua stop omong moke do, barenti minum mabo, pilih sa, mo natal di lapas atau dirumah.

Bai Ndu dan Ama Tobo kaget babingung ma langsung bubar. (Gordy Donofan)

Ikuti Berita POS-KUPANG.COM Lainnya di GOOGLE NEWS

Sumber: Pos Kupang
  • Ikuti kami di
    KOMENTAR

    BERITA TERKINI

    berita POPULER

    © 2023 TRIBUNnews.com Network,a subsidiary of KG Media.
    All Right Reserved