Tapaleuk, Sama-sama Akui

POS-KUPANG.COM, KUPANG - Kalo su musim tanam bagini, Bai Ndu su sonde kaluar bajalan lai. Dia su fokus karja kabun sa.

Ama Tobo yang sonde tao, dia pi ko pange-pange di Bai Ndu pung rumah.

"Ama-ama, lu kanapa ko su hamper sat minggu ni son kaluar rumah. Beta su lama sonde dapa lia,"
Ama Tobo tanya Bai Ndu.

Bai Ndu yang ada duduk minum kopi di dalam rumah sonde menyao. Karna lama bardiri di luar Ama Tobo dorong pintu ko maso

Baca juga: Tapaleuk: NTT Lebe Bae

"Tobo lu kalo mo datang itu senen-senen. Lu tao ko sonde beta ini cape baru pulang kabun. Lu ni tap ko sonde sakarang musim karja kabun," Bai Ndu omong pelan-pelan.

Tobo dengar bagitu, ju dia langsung pi dudu deka Bai Ndu ko puku-puku Bai Ndu pung bahu kanan.

"Salama ini beta kira lu ada pi mana ko, padahal lu karja kabun. Beta akui lu," Ama Tobo sangaja angka ko supaya Bai Ndu kasi dia sat batang.

"Ama Tobo lu mas inga ko sonde, barapa taon lalu ko beta bisa panen banya-banya itu karna tiap hari beta di kabun," Bai Ndu sorong tambako kasi Ama Tobo.

Ama Tobo dengar hanya angguk-angguk sa.

"Ko beta ‎kamarin ada dengar orang dong bacarita bilang in taon hujan sedu, jadi beta pikir batul su banyak orang sonde di rumah te pi karja kabun,"  Tobo omong karna dia kamarin ada baca berita dar BMKG soal musim ujan.

Baca juga: Tapaleuk: ‎Kebun Balom Barisi Ni

Ama Tobo ada pegang rokok yang masih setengah ma dia bangun bardiri ko angka dia pung hape di saku calana ko mo buka berita yang dia baca kamarin.

‎Bai Ndu sonde sabar ko dia minta Tobo kas tunjuk kas dia it barita.

Ama Tobo langsung buka kasi dia ko dia baca soal peringatan musim ujan. "Ini coba baca bae-bae. Liat sa, memang katong musti karja kabon tapi juga harus bisa lihat musim," Tobo baca kasi Bai Ndu. 

Bai Ndu hanya melotot sa ko diam karna Ama Tobo masih baca kasi habis itu berita.

Bai Ndu seirus dengar ko habis dia langsung liat Tobo ko omong bilang dia ju akui sama Tobo. 

"Beta ju akui deng lu yang bisa tao banyak informasi andia ko bisa kas samangat beta karja kabun," 
Bai Ndu langsung tos deng Tobo ko dong dua bangun pasiar. (oby lewanmeru)

Ikuti Berita POS-KUPANG.COM Lainnya di GOOGLE NEWS