Tapaleuk, Orang Dong Puji Katong

POS-KUPANG.COM, KUPANG - Bai Ndu setiap hari batasibuk urus dia pung jualan Se'i Babi.

Ama Tobo yang talalu suka makan se'i babi, hampir setiap pagi bertamu di Ba,i Ndu pung rumah.

"Selamat pagi Ndu, lu ada buat apa ni," Tobo su mulai ganggu pa pagi.

Baca juga: Tapaleuk: Su Mau Musim Tanam

Dengar Tobo pung suara, Baptua sonde toe memang.

"Lu datang terus-terus ni, Lu sonde ada kerja kow," Ba'i Ndu omong sambil panggang Se'i Babi di belakang.

Dengar Ndu pung suara, Tobo tetap bertamu dan tahan malu sa untuk bisa dapa sapotong daging Se'i.

"Lu pung omong ke ta'i sa. Beta inga Lu makanya beta datang bawah kabar bae," Tobo mulai puji Babtua sambil jalan menuju pi dia.

"Lu tau kow sonde, di berita yang beta baca, banyak peserta pesparani dari jawa sampai di Papua sana suka deng katong pung makanan Se'i babi maupun jagung bose. Dong talalu puji katong. Makanya dong minta supaya katong bisa lebih kreatif dan ekspor ke luar NTT lai," Tobo tambah puji Ba'i Ndu sambil ambil sapotong Se'i ko makan.

Baca juga: Tapaleuk: Pamimpin Umat Harus Jaga Etika

"Betul kow?, kalau begitu beta akan kasitau teman yang lain dong supaya lebih semangat dan kreatif buat ini usaha se'i babi dan kedepan katong bukan kirim di luar NTT sa, bahkan harus kirim ke luar Indonesia," Sambung Tobo sambil baptua lanjut panggang itu Se'i Babi. (Ray Rebon)

Ikuti Berita POS-KUPANG.COM Lainnya di GOOGLE NEWS