Tapaleuk

Tapaleuk: Pamimpin Umat Harus Jaga Etika

kasus vikaris di Alor ni bikin jengkel deng emosi, apalagi itu calon pandeta baru kena kasus bagitu, umat dong karmana su

Editor: Rosalina Woso
ILUSTRASI/POS KUPANG
Tapaleuk Pos Kupang 

POS-KUPANG.COM, KUPANG - Masih papagi Ina Feok su emosi sambil mangomel ukur kuat pas abis baca barita kasus kekerasan seksual belasan anak di Alor.

Yang bikin Ina Feok tambah emosi karna palaku Vikaris yang persiapan mau tabhis pandeta.

Untung bae ko GMIT ambel tindakan capat langsung pecat itu vikaris dan sakarang polisi su proses hukum sang dia.

Baca juga: Tapaleuk : Sadar Umur Su Tua

Samantara Ama Tobo yang ada nonton tivi, tambah dengar dia pung bini suara malanting bikin talinga sakit.

"Ina, masih pagi ang be rasa, su mangomel tarus ni, beta mau dengar tivi ko dengar Ina pung mangomel ni," Ama Tobo togor dia pung bini.

"Aduh, Ama, beta baca itu kasus vikaris di Alor ni bikin jengkel deng emosi, apalagi itu calon pandeta baru kena kasus bagitu, umat dong karmana su," Ina Feok kas kaluar dia pung uneg-uneg.

"Katong ju sonde tarima deng itu kasus, apalagi kena di anak-anak, dan katong barsyukur karna polisi su ambil tindakan proses hukum itu vikaris, dan Sinode GMIT ju su coret dia pung nama dari daftar tabhis pandeta," Ama Tobo mulai kas tenang Ina Feok pung hati.

Baca juga: Tapaleuk: Jang Cari Hal Deng Narkoba

"Ho. Bae su kalo bagitu, biar itu vikaris dapat efek jera, dan katong harap dia dapat hukuman berat biar kaluarga korban dong rasa adil," ina Feok mendadak tensi.

"Sudah.. tenang sa ina, biar polisi yang kerja kas tuntas itu kasus, dan ini jadi pelajaran untuk semua pamimpin umat di NTT supaya jaga etika dan kelakuan di balik jubah dan jadi contoh yang baik untuk jamaat dan masyarakat," Ama Tobo kritik deng bijak. (Christin Malehere)

Ikuti Berita POS-KUPANG.COM di GOOGLE NEWS


  • Ikuti kami di
    KOMENTAR

    BERITA TERKINI

    © 2022 TRIBUNnews.com Network,a subsidiary of KG Media.
    All Right Reserved