Orang Dong Berampas Minyak Goreng

Laporan Reporter POS-KUPANG.COM, Ray Rebon

POS-KUPANG.COM, KUPANG - Ina Feok papagi buta su angka jarigen minyak ko pi iko antri dengan ibu-ibu lain dong di Bundaran PU. Ama Tobo nae darah sonde ada yang buat kasih dia kopi pagi.

Ama Tobo bale dari pangkalan ojek ju lia-lia Ina Feok belom pulang rumah.

"Ini mamatua babusuk satu ni bajalan pimana sa ko belom pulang-pulang ni," tareak ama Tobo sambil pange-pange Ina Feok di rumah tatangga dong

Su mau siang hari baro Ina Feok bale rumah dengan fi'i satu jarigen minya goreng dan badan ponoh karingat sampai baju dong babasah samua.

Baca juga: Distribusi Minyak Goreng Curah di Kota Kefamenanu

"Bunti ana ni, lu pimana sa, kaloar dar pagi hari sampe jam bagini baru masok rumah ni," ama tobo mulai kasi kaluar kata kasar buat ina Feok

"Adow Tuhan ew, tobo lu jang batanya banya do, su lia beta pung badan ponuh deng karingat ni, dan lu hanya kerja mangomel ke parampaun sonde mama siri pinang sa," dong dua suami istri su mulai basambung mulut.

Ama Tobo son puas dia marah Ina Feok terus, "mamtua lu pagi buta kaluar dar rumah jam bagini bar pulang ni, lu pi dimana," tanya ama Tobo

Baca juga: Pelajar di Ende Harap Presiden Jokowi Datang Pimpin Upacara Hari Lahir Pancasila

Karena su cape dan emosi deng ama Tobo pung mangomel, Ina Feok langsung lempar jarigen minyak goreng yang sementara dia pegang di bapatua pung depan, "be pi cari ini minyak dan iko antri lama-lama untuk datang goreng kasi lu ikan ko lu makan sampai muntah," dong dua mulai batengkar

Lia Ina Feok su marah-marah, ama Tobo langsung ambe itu jarigen minyak goreng,"kanapa ko lu tadi jalan son kasitau, ini minyak apa," tanya ama tobo

"Ini minyak goreng curah murah dar pemerentah dong, beta dapa carita dari mamtua laen dong kemaren makanya tadi pagi beta iko pi baantri di bundaran Tirosa sana," jawab ina tobo.

Baca juga: Ini Penegasan Kadisperindag NTT Soal Distrubusi Minyak Curah

"Tau deng ni pemerentah dong kapan baru bisa kaseturun ini harga minya goreng dong, hanya gara-gara ini minya goreng katong suami istri bisa babunuh di dalam rumah," dengar kata-kata dar ama Tobo, Ina Feok langsung cuek dan jalan pi dapur. (Rey Rebon).