Tapaleuk: Su Sonde Sabar Lai 

POS-KUPANG.COM, KUPANG - Masih pagi buta, Ama Tobo su bangun ko cari mandi. Bapa tua ini pagi tahu mimpi apa ko semangat sekali mandi pagi.

Ternyata Ama Tobo ada dapat undangan iko rapat bahas bantuan Seroja. 

"Ama e, lu ini pagi setan apa yang nae kena lu ko mandi pagi, atau tadi malam lu mimpi bae ko," Ina Feok batareak dar dalam kamar.

Soalnya masih gelap di luar na,biasa begitu dia pung laki masih sono.

Baca juga: Ombudsman NTT Sebut Banyak Pengaduan Layanan Permohonan Sertifikat Hak Milik

"Ina ,lu sonde tahu ko,tadi malam beta kasi tunjuk undangan mau rapat tu, andia ko beta harus siap ko pi pagi," Ama Tobo bersiul ko  baru jawab dia pung bini.

Ama Tobo dong juga pung rumah kena angka waktu Seroja.

Ama Tobo senang karna di dong su mo dapa bantuan.

Baca juga: Perkuat Konservasi Laut Muro di Lembata Dengan Membentuk Koperasi 

"Katong musti pi iko it rapat supaya katong tao kapan it bantuan turun," Ama Tobo su semangat 45.

Dia ada dengar gelas su bunyi ,jadi dia semangat karna Ina Feok su bawa kopi taro di meja.

"Pi iko acara na pasang talinga bae-bae supaya pulang na jelaskan di katong. Kal sonde katong bingung kenapa su mo sat taon ma itu bantuan balom dapa ju,"  Ina datang duduk dekat dia pung laki.

"Betul Ina,  bulan lalu itu katong dengar  su mo cair itu dana bantuan tapi balom ju. Mungkin sa ada yang balom kasi maso sarat," Tobo jawab baru masko kopi.

Baca juga: Kapolres Manggarai Barat Dampingi Menko Perekonomian RI dan Kapolda NTT Serahkan Dana BT-PKLWN 

Ina Feok yang dengar dia pung laki jelaskan ma dia angguk-angguk.

"Batul sudah, ini aturan dari pemerenta jadi harus iko supaya nanti pemerenta bisa tanggung jawab itu dana bantuan. Hanya itu su katong su tunggu lama jadi son sabar lai mo tarima itu bantuan," Ama Tobo bangun pi sisir rambut ko  langsung bangun jalan di kantor lurah. (oby lewanmeru)