Tapaleuk : Taku Kaluar Ruma

Tapaleuk : Taku Kaluar Ruma

POS-KUPANG.COM, KOTA KUPANG - Ama Tobo su satu minggu ini dia sonde keluar rumah karna cuaca son bae. Dia deng Ina Feok rencana mau pi lihat jagong di kebun ko pata ju son bisa.

"Ama sakarang ini karmana sudah, katong mo pi kebun ju in hujan son barenti- batenti ju," Ina Feok  omong  dia pung laki.

Memang su dua hari terakhir ini Ama Tobo asli son kaluar rumah.

Baca juga: Peringatan BMKG Kota Kupang dan Empat Daerah di Wilayah NTT Potensi Terjadi Hujan Lebat

Padahal dia biasa son tanang di rumah, hanya andia pas dia dengar ada hujan angin jadi dia son bajalan.

"Ama e, beta ini hari baru lia muka, ada pi mana," Bai Ndu ju su sambung dari muka Tobo dong pung muka rumah.

"Ama, lu dengar ko sonde amper sat minggu ini, bet son bajalan te in hujan non stop na," Tobo jawab di pung bini deng Bai Ndu.

Baca juga: Nelayan Enggan Melaut, Harga Ikan di Pasar Oeba Kota Kupang Melonjak Tajam

Bai Ndu yang dengar langsung diam-diam karena dia ju su dapa dengar bilang sakarang cuaca kurang bae.

"Berarti ama su mo sat minggu ini son bajalan e. Beta kira ama sonde ada tu ada pi luar daerah ko," Bai Ndu su masok ko duduk di dalam Tobo dong pung rumah.

"Tao ama e, te ini su pi brapa hari son pi kebun, tao it jagong dong su jadi apa," Ina Feok geleng-geleng kapala.

Ama Tobo minggu lalu ada ada ama uang koperasi ko mau bikin pagar di kebun, ma andia hujjan jad balom bisa karja ju.

Baca juga: Dampak Cuaca Ekstrem, Sampah Berserakan di Pesisir Pantai Pasir Panjang Kota Kupang

"Beta pikir batul ju,lebe bae katong jang bajalan dolo te beta dangar cuaca son batul ko it kapal feri dong ju son jalan," Bai Ndu omong sama ke orang penting.

Ama Tobo melerok Bai Ndu karna dia heran in hari Bai Ndu omong kapal feri son jalan.

"Bet su bilang dar kmarin dulu to , ada info dar itu BeMGe bilang mo hujan lebat jadi katong samua perlu waspada," Ama Tobo sambung Bai Ndu.

Baca juga: 85 Pasien Covid-19 di Kota Kupang Sembuh 

Ina Feok yang dengar son mo kalah, dia langsung bilang Tobo deng Bai Ndu ko jang talalu bajakan te cuaca son bae.

"Bae su ina su omong jadi katong sebenarnya jang taku kaluar rumah tapi harus waspada. Musti dengar terus informasi dari BeMGe itu," Bai Ndu bangun ko maloi hujan di luar. ‎(Oby Lewanmeru)

Berita Kota Kupang Hari Ini