Jang Pemalas Kerja

POS-KUPANG.COM - Ama Tobo bangun pagi langsung mandi. Su mau satu bulan ni bapatua ada mimpi apa ko rajin bangun pagi.

Ina Feok su bangun ma dia ada maloi-maloi dia pung laki yang su siap mo jalan pi kantor.

"We ama lu ini masi pagi buta ni lu mo pi jaga kantor ko," Ina Feok togor dia pung laki.

Ama Tobo yang ada badiri di depan kaca ko loti dia pung muka te kaget karna Ina Feok su di dia pung balakang.

Baca: Tengok Zodiak Kamis 15 November 2018 Esok, Gemini Kenapa Terselimuti Gelisah?

Baca: Wah! Akhirnya Jimin BTS Buka Suara Terkait Rumor Kaos Bom Hirosima Yang Sebabkan BTS Batal Konser

Baca: Jadi Drama Korea Pertama yang Tayang di Youtube, Ini 4 Fakta Drakor Top Management

Ina Feok langsung tanya lai sama Tobo bilang mo pi mana.

Tobo biasa kaluar pagi itu kecuali hari senin karna ada upacara ato kalo sonde baptua piket.

"Ina, lu tao ko sonde, katong sakarang ini harus disiplin kerja, jadi musti maso kantor sedu. Pulang ju musti pas jam dolo," Tobo jelaskan kasi dia pung bini.

"Bae ju ma ko sakarang ini masi pagi buta ni ama. Awas ko nanti orang bilang lu makan puji ato mo cari muka," Ina Feok kasi ingat dia pung laki.

Tobo yang su malas jawab, langsung pi kamar ko ame tas. Dia kaluar te Bai Ndu su ada di muka rumah.

"Ama lu bagaya sama ke pemimpin perusahan sa. Lu su mo satu bulan pi kantor katong balom bangun," Bai Ndu sonde pake selamat pagi te langsung togor Ama Tobo.

"Ama e, lu ni su sama deng beta pung mai tua. Bosong bisa lupa te sakarang katong pung bapa gubernur suru kantong musti disiplin," Tobo su omong sama ke pejabat.

"Batul ju ko beta asda dengar bilang bapa gubernur ju ada siap baju rompi ko mo kas pake di pegawe yang pemokol," Bai Ndu omong karna dia ada baca ju di internet.

"Ama ko lu tao ju ko. Memang batul te sakarang kalo ada pegawe pemalas pemokol nanti kas pake itu rompi warna orange," Tobo sengaja omong kuat-kuat ko dia pung bini dengar.

"Itu sudah, pegawe sakarang musti bagitu, kalo pemalas na resiko pake rompi ke orang yang mo maso bui," Bai Ndu sambung lai.

Ina Feok ada tanganga ko dia tanya Bai Ndu rompi apa andia ada babingung.
"Bagini Ina, sakarang kalo pegawe yang terlambat maso kantor berapa hari bagitu nanti kasi pake rompi, makanya Tobo sakarang harus pi kantor pagi-pagi," Bai Ndu yang jelaskan di Ina Feok.