Pi Manonton Andmesh Kamaleng Manyanyi di ALun ALun Rumah Jabatan NTT
Inga kalo pi manonton na jang lupa ko foto bersama deng Andmesh wooow..... ato yang skarang yang lagi keren orang bilang foto selfie,
Penulis: Ferry Ndoen | Editor: Ferry Ndoen
lihat foto
Laporan Wartawan Pos Kupang.Com, Fery Ndoen
PAGI hari, Bai Ndu su tampil necis pake calana komprang deng baju safari dia sese baju di dalam calana komprang.
"Beta mo pi manonton katong pung juara Rising Star Indonesa, Andmesh Kamaleng yang mau show di Kantor PU NTT, di Jalan Basuki Rahmat, kompleks Kantor Lama Gubernur NTT," kata Bai Ndu sambil cubit Ina Feok pung paha.
Ina Feok pung takuju lai.... pag pagi nih... lu su bagatal... mo pi manonton Andmesh na jalan su...... son usa tangan bagatal laii...
"Kalo lu pi manonton konser Andmesh pagi di Kantor Pu eN Te Te ....na beta lebe suka pi manonton Andmesh malam hari sa di Alun Alun Ruma Jabatan Gubernur eN Te Te, di Jalan El Tari, Kota Kupang....," kata Ina Feok
Bai Ndu mangaku suka pi manonton pagi hari Andmesh manyanyi karna sore hari dia mo ada urusan keluarga mau pi acara masok minta.
"Inga kalo pi manonton na jang lupa ko foto bersama deng Andmesh wooow..... ato yang skarang yang lagi keren orang bilang foto selfie," kata Ina Feok kas inga sam Bai Ndu.
Bai Ndu son baomong banya laiii... dia ju pesan sam Ina Feok... na kalo malam pi manonton Andmesh di alun alun ruma jabatan na jang lupa foto bersama Andmesh.
"Inga na jang talalu manoso ko pi ba tasese deng orang banya.... tungu orang su agak kurang ko baru pi ba foto," kata Bai Ndu kas inga sam Ina Feok.
Dong dua sapakat, kalo abis manonton na pulang itu foto-foto kow langsung lempar di fb ato facebook.
"Biar ko katong tamba tenar numpang nebeng ketenaran Andmesh Kamaleng," kata Bai Ndu yang langsung tancap gas. (ferry ndoen).
