Ama‎Tobo Su Mulai Ukur Jalan

POS-KUPANG.COM--‎Ina Feok bangun amper siang karna dia musti bamasak kasi dia pung laki. Balom lai dia musti pi jual sayor yang dia su pesan tadi malam.

"Ama bangun su te beta su mo pi pasar. Kalo bangun na liat makan ko makan, beta ada buru-buru supaya bisa dapat tempat bajual," Ina Feok langsung jalan.

Tobo bangun dia langsung makan karna matahari su nae tinggi.

"Ama kanapa lu baru bangun, biasa jam bagini lu su jalan. Lu ada sakit ko," Bai Ndu su togor Ama Tobo.

"Sonde ama, beta ada pikiran te sakarang katong ada tugas talalu banya. Apalai sakarang musim hujan," Ama Tobo maso di dapur ko buat kopi kasi dia deng Bai Ndu.

Dong dua ada bacarita te Ina Feok su pulang.

"Ina, ini hari pulang sedu e,sayor cepat laku o," Bai Ndu sengaja togor dahulu.

• Hotman Paris dan Istri Ditangkap Polisi di Milan Lalu Dituding Teroris. Begini Kisahnya

• Pisang Ranjang Lalu Bercerai dari Gading Marten. 6 Sumber Uang Gisella Anastasia yang Perlu Disimak

Ina Feok yang su tao, sangaja diam ko langsung masok simpan keranjang di dalam.

"Ama, sakarang ini ikan mahal, jadi orang banya yang cari sayor," Ama Tobo yang jawab Bai Ndu.

Ina Feok yang balom barenti capek su datang dudu deka Tobo.

"Ama ko tadi bilang mo jalan na kanapa balom jalan ju," Ina Feok tanya di Tobo.

Bai Ndu yang ada su perasaan, jang sampe Ina Feok bilang gara-gara dia datang ko Tobo son jadi jalan.

"Ama lu mo pi mana na kenapa son kastao dari tadi supaya katong jang bacarita lai," Bai Ndu omong pelan-pelan.

• Mulan Jamilah Bikin Caption Soal Kehidupan, Ada yang Koment : Dulu Tertawa Sekarang Ditertawakan

• Resmi Menikah. Yuk Kepoin! 19 Fakta Pernikahan Priyanka Chopra dan Nick Jonas

"Ama lu tao ko sonde, sakarang ini ada proyek banya karna su mo habis taon. Biasa bagini pemerentah dong proyek talalu banya, sampe ada yang tiap hari hanya jalan sa," Ina Feok mulai bongkar su.

Bai Ndu ada bingung-bungung karna dia sonde tao Ina Feok pung maksud omong proyek.
Ama Tobo yang dengar terpaksa dia mulai omong.