Kuliner NTT Suhu Kota Kupang Mencapai 35 Derajat Kelapa Mata Merah Baun Amarasi Solusinya

Laporan Wartawan Pos-Kupang.Com, Ferry Ndoen

POS-KUPANG.COM - Sahabat kuliner ntt penggemar makan sehat dan makan enak dimana saja berada.

Sesuai tulisan kuliner ntt kali ini beta mau ajak bapa mama  penggemar makan sehat danmakan enak untuk tetap pertahankan ion tubuh.

Apalai saat ini suhu bumi di katong pung sekeling terus meningkat tajam. palai di Kota Kupang suhu su 45 derajat celcius sampe 35 derajat celcius.

Banyak orang su batereak kepanasan karena sonde tahan laindeng ini suhu udara yang makan panas di musim el nino tahun ini.

Dan Badan Meteorlogi Klimatologi dan Geofisika su kasi info kalo katong mungkin pada akhir  bulan NOvember 2023 nanti baru mulai star ko mo masok di musim ujan.

Tapi yang namanya ramalan cuaca jang talalu percaya sartus persen. Nanti ini ujan diaturun satu kali sa kali basah tanah.

Tapi abis itu dia pung panas ame lebe sengit lae. karena panas dari tana makin makamiung bro

Tapi beta sante sa..... walo di rumah sonde ada AC tapi betapagi hari su star deng minum aer kelapa muda di Jalan Palapa, Kota Kupang.

Beta su star deng minum aer kelapa merah atao kelapa ijo yang adalah obat/ramuan untuk samua jenis panyakit.

Juga untuk menambah ion tubuh dan menambah stamina tubu saat udara makin panas.

Jadi beta pung karja setiap pagi pasti su pi minumame air kelapa muda, khususnya kelapa dari Baun Amarasi yang dijual Ito Betty.

Biasanya abis antar anak pi sakola pagi, beta su singga ame di tepian Jalan Palapa, Kota Kupang ko masko ame ini buah kelapa merah asal Baun Amarasi.

Satu 1 buah kelapa merah dijual Ito Betty deng harga Rp 6.000.

Nanti dua bua kelapa merah beta suru bungkus di tampa aer kelapa yang su beta bawa dari rumah.