Tapaleuk
Tapaleuk, Bikin Onar
padahal sonde ada yang ane-ane di kupang sini, ma ini masyarakat dong su tarlalu tarprovokasi apa macam ko
lihat foto
Tapaleuk, Bikin Onar
POS-KUPANG.COM, KUPANG - "Sakarang ni urusan deng ana kici tarlalu sensitip krmana macam ko nanti su hela pi isu culik ana kici padahal sonde sama sakali sonde ada kaitan," Ina Feok geleng-geleng kapala pas baca berita di facebook.
"Ina kanapa le, su ada info apa ko lia hape sambil mangomel banya ni," Ama Tobo penasaran deng dia pung bini yang rada foe papagi.
"Bagini ama, tadi pagi heboh di medsos ada parampuan diamankan polisi karna dituduh panculik anak, padahal balom tantu batul itu info, kasian e," Ina Feok kas komentar tapi mata sonde pindah dar layar hape.
Baca juga: Tapaleuk, Jaga Bae Bae Hewan Babi
"Oh.. bagitu e ina, info bagitu tarlalu lebe, itu informasi su tarlalu bikin onar, trus bikin sesat orang banyak, padahal sonde ada yang ane-ane di kupang sini, ma ini masyarakat dong su tarlalu tarprovokasi apa macam ko," Ama Tobo sepakat deng dia pung bini.
"Itu su ama, yang macam bagini lebi bae polisi dong ambil tindakan tegas apalai yang sebar isu yang bikin masyarakat resah, apale yg sebar hoax macam bagitu, biar kapok," tambah Ina Feok samangat 45.
"Bae su, na ina lepas itu hape ko pi bamasak do, ini su mau siang ma balom makan ni," Ama tobo bikin Ina Feok langsung emosi tingkat dewa. (zee)
Ikuti Berita POS-KUPANG.COM Lainnya di GOOGLE NEWS
