Tapaleuk
Tapaleuk, Parkara Toples
Bagini ama, beta ada cari ini toples dong samua supaya mau cuci kas barsih te mau isi kue natal dong, tapi beta su babongkar isi lamari
lihat foto
Tapaleuk, Parkara Toples
POS-KUPANG.COM, KUPANG - Masih papagi buta, Ina Feok su babongkar lemari piring, dia cari toples untuk siap mo isi kue natal dong.
Ina Feok mulai operasi isi lemari deng kas kaluar semua barang dong su tasiram di lante sampe hampir palang jalan.
Pas Ama Tobo mau pi ambil piring ju ada injak tasalah piring deng rantang kaleng sampe babunyi.
Baca juga: TAPALEUK : Tobo su taku kana tangkap
"Ado, Ina e.. kanapa ini barang isi lamari dong su kaluar samua ni... Ada cari apa ni?" Ama Tobo heran deng dia pung bini pung batasibuk.
"Bagini ama, beta ada cari ini toples dong samua supaya mau cuci kas barsih te mau isi kue natal dong, tapi beta su babongkar isi lamari ma ini toples macam ke kurang banyak," Ina Feok jawab sambil liat barang lamari satu-satu.
"Na, ini su satu taon mulai baru kambali cari itu toples dong, memang mau isi kue berapa banyak macam e sampe ini barang dar.dalam lamari dong su talele di luar samua..," Ama Tobo son abis pikir deng dia pung bini yang sibuk cari toples sampe lupa bamasak.
"Ama e.. ini toples dong sonde ada ni, su kurang banyak, karmana ni," ina feok pung aer mata su mulai jato.
Baca juga: Tapaleuk: Jang Cari Posisi Aman
Ama yang sonde tega liat maitua su manangis, ju langsung bujuk, "tausah manangis le hanya gara-gara toples ju, nanti kalo kurang berapa banyak na katong pi beli baru sa darpada ko boto-boto kurang le," Ama coba bujuk dia pung bini.
"Batul ko ama, memang laki paling mangarti su," ina feok sanyum karna akhirnya bisa pake toples baru. (Christin Malehere)
Ikuti Berita POS-KUPANG.COM Lainnya di GOOGLE NEWS
