Tapaleuk, Orang Kolot

POS-KUPANG.COM, KUPANG - Ama Tobo su mau dejat akhir tahun bagini dia su rindu kampung di Amfoang sana. Ma dia mau balek ju masih hitung pal pi pal datang.

Dia masih ragu mau jalan daratko jalan dar laut, ko kalo dar darat ada sementara hujan ko kalo dong ponu samua. Kalo lewat laut dia trauma deng baru-baru ada celaka laut yang orang mati banyak itu.

Dia pung maitua Ina Feok ju ikut pikir lebih enak jalan lewat mana. Ahirnya dong pilih lewat darat biar jalan 1 minggu ju sonde apa-apa.

Baca juga: Tapaleuk: Jang Cari Posisi Aman  ‎

Dong su menyimpan pakaian semua-semua di koper besar satu deng karung satu. Sonde lupa ju dong pg kucing ana deng babi ana dong titip di Bai Ndu ko jaga tahan smape dong habis liburan.

Bai Ndu ju liat dong ada siap-siap singga ko togor. "Titi DJ oo To'o deng Te'o," Bai Ndu togor dong dua.

"Awi Bai Ndu su pake istilah apa lai ni, titi DJ itu nama artis aa, ada bakawan deng dia ko," Ama Tobo sambung.

"Bosong dua ni coba rambut putih ke beta baik, ma ini cucu sendiri belum ada ma bahasa gaul sa sonde tau. Tuti DJ itu kepanjangan dari hati-hati dijalan, su mangarti," Bai Ndu jelaskan ko Ama Tobo deng dia pung istri mangarti.

Baca juga: Tapaleuk: Muka Masnanaok

"Ahahaha katong dua kolot mo mati a bapa, ma bae sakarang beta su tau Titi DJ itu hati hati dijalan, makasi ee Bai Ndu," ini kali Ina Feok bijak.(Ryan Tapehen)

Ikuti Berita POS-KUPANG.COM Lainnya di GOOGLE NEWS