Tapaleuk: Muka Masnanaok

POS-KUPANG.COM, KUPANG - Ina Feok nama baru masuk calon panwasacam  sa dia su bakastaku ame ini anggota parte dong ko jang main politik kotor .

Sat siang begini dia pung laki Ama Tobo pi dudu-dudu di Bai Ndu pung rumah, mulai carita dia pung maitua pung lebe-lebe dong.

"Bai Ndu lu tau ko sonde beta pung maitua tu pengawas pemilu, bosong yang anggota parte hati-hati su, dia dapa tau bosong maen kotor dia feo sam bosong stenga hek," Ama Tobo ju iko bakastaku.

Baca juga: Tapaleuk : Mabok Pung Karja

Bai Ndu jwab sante sa, "Eh ko dia cuma panwascam sa ju beta taku buat apa, kalo polisi deng jaksa beta takut, ma cuma panwascam sa apalai son tau dia nanti lolos ko sonde," Bai Ndu jawab spontan.

"Muka masnanaok ke bosong ni mau bakastakut sapa, jang sampe bakastaku bagini mo minta-minta fee, itu bosong pung tampa dalam kandang besi beta kastau memang, pikir beta takut na," Bqi Ndu sambung taros.

Ama Tobo sonde bisa jawab, padahal awalnya dia mau feo ko dapat untung dari Bai Ndu yang mantan caleg tiga priode sonde tau lolos-lolos.(Ryan Tapehen) 

Ikuti Berita POS-KUPANG.COM Lainnya di GOOGLE NEWS