Tapaleuk

Tapaleuk: Katong Sonde Pakai Bensin Lai

kalau dong mau buat kebijakan kendaraan listrik untuk katong samua, itu lebih bagus lai, apalagi BBM ada nae ni.

Penulis: Ray Rebon | Editor: Rosalina Woso
ILUSTRASI/POS KUPANG
Tapaleuk Pos Kupang 

POS-KUPANG.COM, KUPANG - Sebagai tukang ojek senior, Ama Tobo sangat sombong di Pangkalan Ojek.

Suatu pagi, baptua tarlambat pi ojek karena masih urus antar ana-ana dong pi sakolah. Habis antar ana buah dong, sampe tenga jalan baptua pung Bensin habis.

Karena lupa bawa uang, baptua utang 1 liter bensin di kiosnya Ba,i Ndu yang sonde jauh dari situ.

Baca juga: Tapaleuk : Dudu Luu Depan Jalan 

Tiba di Ba,i Ndu pung kios, Tobo diajak untuk minum kopi. Samantara minum kopi, Ba,i Ndu mulai carita deng Tobo tentang kabar kendaraan listrik.

"Tobo, beta ada baca berita di koran, kalau nanti pemerintah dong akan ganti kendaraan sekarang dong deng kendaraan listrik, artinya katong sonde perlu pakai bensin yang sakarang begini mahal ni," curhat Bai Ndu

Dengar Ba,i Ndu pung carita, Tobo langsung omong, "Ndu ew, itu berita beta su baca duluan, itu bukan untuk katong samua, tapi untuk pejabat dong, jadi baca barita tu bae-bae," sambung Tobo.

Berarti pejabat dong sakarang su tamba canggih sa e.

"Iy Ndu, itu kabar langsung kaluar dari Bapa Presiden, jadi pasti jadi," lanjut Tobo.

Baca juga: Tapaleuk: Jang Cari Hal Deng Narkoba

"Terus katong sonde bisa kow," tanya Ndu

Tergantung pemerintah dong, kalau dong mau buat kebijakan kendaraan listrik untuk katong samua, itu lebih bagus lai, apalagi BBM ada nae ni.

"Batul aw, kalau pakai listrik pasti lebih bagus, karena sonde perlu pake bensin lai, dan katong bebas dari polusi," tambah Ba,i Ndu (Ray Rebon)

Ikuti Berita POS-KUPANG.COM di GOOGLE NEWS
 

Sumber: Pos Kupang
  • Ikuti kami di
    KOMENTAR

    BERITA TERKINI

    © 2022 TRIBUNnews.com Network,a subsidiary of KG Media.
    All Right Reserved