Tapeleuk

Tapaleuk: Selamat Ulang Taon Indonesia

katong Indonesia ni sangat kaya ternyata deng banyak budaya dan alam yang bagus, katong harus bangga jadi orang Indonesia

Editor: Rosalina Woso
ILUSTRASI/POS KUPANG
Tapaleuk Pos Kupang 

POS-KUPANG.COM - Ama Tobo tanggal 17 papagi su bangun memang, baptua rancana mau nonton upacara bandera di Jakarta dari tv.

Biar baptua iko dari rumah ma baptua stell rapi dengan pakean adat lengkap deng pake topi ti'i langga. Ama Tobo sangat ganteng itu pagi. 

Sementara Ina Feok ju sonde mau kalah, mamtua pake kebaya lengkap deng sarung. Dua orang laki bini su tanam pagi dong tiga bikin itu rumah sama ke sanggar budaya. 

Baca juga: Tapaleuk: Nae Motor Musti Sapokat

"Bagini dolo baru kompak, katong harus jaga katong pung budaya yang su lama ada ni biar sonde hilang, " Ama Tobo omong deng bangga. 

Sonde lama upacara mulai, pas pengibaran bendera tiga orang ju badiri iko hormat sambil manyanyi Indonesia Raya. Ama Tobo saking samangat sonde mau kasih turun tangan lai. 

"B bulu badan badiri e nonton ini upacara, katong Indonesia ni sangat kaya ternyata deng banyak budaya dan alam yang bagus, katong harus bangga jadi orang Indonesia, " Bai Ndu omong deng gamatar. 

Ama Tobo ju sonde mau kalah baptua ju sambung deng dia pung, "Asli katong harus bangga jadi orang Indonesia, MERDEKA, " Ama pung omong abis tv ju iko mati, ternyata pulsa listrik abis. (*)

Ikuti berita Pos-Kupang.com di GOOGLE NEWS

 
 

Sumber: Pos Kupang
  • Ikuti kami di
    KOMENTAR

    BERITA TERKINI

    berita POPULER

    © 2022 TRIBUNnews.com Network,a subsidiary of KG Media.
    All Right Reserved