Tapaleuk: Nae Motor Musti Sapokat

POS-KUPANG.COM - Seperti biasa Ama Tobo pung giat pagi kalo bangun pagi tu baptua harus baca ame koran Pos Kupang. 

Ada musim operasi patuh bagini baptua jadi rajin cek barita, Ama Tobo baca kana barita di halaman satu kalo aturan baru nae motor sekarang ni musti pake sapokat. 

Baptau langsung panik garagas manuju pi gudang cek ame sapokat dong tarnyata amper samua su balobang. 

Baptua tambah panik, tarakhir angka motor ko gas pi pasar senggol cari sapokat, baptua masih pi pake sendal makanya lewat jalur balakang. 

Baca juga: KPUD TTU Gencar Lakukan Sosialisasi Tahapan Pelaksanaan Pemilu 

Sapokat baru beli deng beli langsung pake ko nae motor bale. Sampe dirumah baptua langsung cari ame Ina Feok ko pamer. 

"Ina lia ame beta pung sapokat dolo, beta baru beli di pasar senggol ni, " baptua pamer sambil lalu lalang di Ina Feok pung dapan muka. 

Ina Feok sadar baptua ada mode pamer, mamtua cuek ma mata ada malerok pi itu sepatu. 

"Setan apa yang ada sambar lu ni ko kaget-kaget beli sapatu baru, omong-omong ma kanapa sonde beli dua, sonde ingat ame katong ju, " Ina Feok dalam hati kapengen ju mau sapatu baru. 

Baca juga: Pengamat Politik Universitas Muhamadiyah Kupang: Nasdem Harus Kongkritkan

"Ina sakarang ni aturan baru dari polisi ni katong harus nae motor pake sapokat supaya ini kaki dong ni kalo ada apa-apa di jalan na aman sonde tagores beta dukung pak polisi dong kalo untuk ini, " Ama Tobo omong ma sonde sadar itu sapatu su balompor sa gara-gara injak lompor depan rumah (Berto Kalu).