Tapaleuk

Tapaleuk: Jang Bakorek

baptua masih sabar ko tunggu dong dua habis makdadoto baru baptua buka dia pung pidato kenegaraan.

Editor: Rosalina Woso
ILUSTRASI/POS KUPANG
Tapaleuk Pos Kupang 

Tapaleuk: Jang Bakorek

POS-KUPANG.COM - Masa jabatan RT su mau habis Ama Tobo rasa diri su tua jadi dengan yakin dia su kaskuat yang muda-muda dong iko calon ko ganti dia jadi RT.

Satu sore Ama Tobo duduk tanganga karna son ada kerja Bai Ndu datang ko ganggu ame baptua "Aii Ama Tobo beta dengar-dengar sonde maju lae ko? Ama sonde mau dapat gaji bulanan RT lae," Bai Ndu kaspanas.

Ama Tobo tenang-tenang sa dia ju sonde nodek memang Bai Ndu pung omongan, ma dalam hati ada maki ancor sang baptua.

Baca juga: Tapaleuk: Dong Sonde Urus

Kaget Ina Feok muncul ko antar Kopi panas kas dia pung laki terganteng se RT.

"Bapa sayang darpada duduk tanganga kal masih ada tenaga na iko lae datpada itu uang orang laen yang hiki bawa na bapa dapat tacu sa," Ina Feok kaspanas.

Baptua ju lama-lama kaspanas hati tagoyang, ma baptua masih sabar ko tunggu dong dua habis makdadoto baru baptua buka dia pung pidato kenegaraan.

"Kali besong su habis omong na sekarang beta pung giliran, oke beta ikut besong pung mau, jang bakorek beta lai, beta mau pi kampanye dolo, kalo beta naik RT besong dua dapat jatah, ma kalo sonde besong dua dapa tacu," bapatua kodo kashabis dia pung kopi dengan semangat 45 langsung menuju kantor lurah ko daftar diri maju RT.(Ryan Tapehen) 

Sumber: Pos Kupang
  • Ikuti kami di
    KOMENTAR

    BERITA TERKINI

    © 2022 TRIBUNnews.com Network,a subsidiary of KG Media.
    All Right Reserved