Tapaleuk: Stunting Melenting

Tapaleuk: Stunting Melenting

POS-KUPANG.COM,KUPANG - Ina Feok ini hari stel rapi-rapi mau pi posyandu. Mamtua sekarang su jadi kader posyandu biar honor 1 bulan 50 ribu ju mamtua semangat 45.

Pas di jalan katumu Bai Ndu ada koko bawa dia pung cucu demg karingat malele di muka mau pi timbang di posyandu "asam belimbing" di ujung gang.

"Bai Ndu mau pimana ko su koko bawa ana kici ni," mamtua lansung tanya ko liat Bai Ndu su stenga mati bakoko.

"Beta mau pi timbang beta pung cucu, dia pung mama su pi merantau tatrtau bilang di Malaysia ko dimana su tiga bulan ni, ini ana ju dia pung bapa su lari kastenga jadi dia pung mama pi cari doi ko beli susu," Bai Ndu langsung manyaot sambi jalan trus te matahari panas tar enak.

Baca juga: Warga Antre Beli Minyak Goreng Curah di Kota Kefamenanu

Pas abis timbang ju Ina Feok kastau  Bai Ndu deng dia pung cucu su masuk ciri-ciri stunting.

Bai Ndu lansung sambar "Stunting tu apa lai Ina, beta baru dengar itu bahasa,".

Ina Feok lansung jawab "itu bahasa gaul kesehatan untuk anak yang kerdil, karna Bai Ndu pung cucu ju termasuk kerdil buat ko stunting tambah melenting,".

Dengar itu ju Bai Ndu muka asam lansung pikol bawa pulang dia pung cucu, ko selama ini dia pung cucu hanya minum susu sapi dan sonde dapat MTB.(Ryan Tapehen)