Tapaleuk: Tapoa di PeEn 

POS-KUPANG.COM, KUPANG - Sakarang ini ojek online su tapoa di Kota Kupang andia ko Ama Tobo su susah  mo ojek. Dia punya langganan dong su pake grab ato maxom. Su mo satu minggu dia stres karna satu hari hanya dapat dua ato tiga penumpang, andia ko ini hari dia di rumah sa.

"Ama karmana lu su berapa hari ojek ju son betul. Lebe bae lu bantu buat kue ko bajual karna sakarang di PeEn sana su rame," Ina Feok bangun ko tanya dia pung laki.

Tobo  hanya diam sa, dia ada duduk di depan rumah pegang kaca spion ko cabut-cabut dia pung jenggot. Tobo bingung karna dia pung bibi sebut PeEn.

"Ina PeEn itu bahasa di pengadilan ko atau itu jenis kue," Tobo tanya dia pung istri.

Ina Feok ada dapa tampa bajual di kompleks   PeEn sana. 

Baca juga: Buka Ajang Futsal Sunset Cup, Wabup Ronda Bilang Menang Secara Jantan dan Kalah dengan Terpuji

Ina Feok pung kue ju laku karna sakarang di PeEn sana rame.

"Ama e PeEn itu istilah Pengadilan Negeri orang biasa sebut bagitu supaya gampang ingat," Ina Feok jelaskan di Tobo.

Ama Tobo dalam hati, kalo dia son kaluar ko ojek pasti mamtua paksa bantu buat kue ko iko pi  jual separuh di rumah. Kalo jual di PeEn sana dan berarti dia son bisa bajalan deng Bai Ndu.

"O jadi PeEn itu pengadilan negeri ko, beta kira apa ko," Tobo jawab Ina Feok.

Ina Feok tambah semangat karena ini hari ada sidang kasus pembunuhan ibu dan anak di PeEn sana jadi pasti rame.

Baca juga: Pemkab Kupang Target Stunting Turun Sampai 9,3 Persen Tahun 2024

"Ini hari beta ada dengar ada sidang di PeEn jadi pasti orang tapoa di PeEn ko katong pung kue ju pasti cepat abis," Ina Feok omong di Tobo.

Tobo dengar bilang ada sidang kasus pembunuhan, dia langsung bangun ko pi mandi supaya sabantar dia iko pi PeEn sana.

Ina Feok langsung kaluar pi dapur ko menyimpan kue ko dong mo bawa ke PeEn.

Pas Ina Feok deng Tobo mo jalan,Bai Ndu su muncul di Tobo pung muka ko senyum-senyum.

"Lu kanapa ko datang dar jaoh su senyum-senyum sama ke orang dapa KP sa,"Tobo togor Bai Ndu.

Baca juga: Kunjungi LPKA, Menteri PPPA Beri Semangat Andikpas Agar Berubah