Tapaleuk : Su Nae Harga 

Tapaleuk : Su Nae Harga 

POS-KUPANG.COM, KOTA KUPANG - Ama Tobo su dua hari ini dia sonde pi ojek te dia ada flu.

Tobo deng Ina Feok baganti  sakit, karna Ina Feok baru bae dari flu ju.

"Basong dua ini kanapa ko sakit baganti ni. Jang sampe bosong makan tasalah ko apa," Bai Ndu tanya dong dua.

Baca juga: Ini Tanggapan Daniel Hurek Soal Hasil Simulasi Calon Wali Kota Kupang

Memang su dua hari Ama Tobo sonde kaluar dari rumah karna memang dia sakit flu.

Dia biasa jalan pi Bai Ndu, ma karna sonde pi andia ko Bai Ndu papagi su datang cari.

"Ama e, bosong dua ada saki ma beta mo omong te sakarang ini tahu tempe harga mo nae, soalnya kacang yang pake buat tahu tempe ada nae harga na," Bai Ndu kastao Tobo deng Ina Feok.

Baca juga: Hujan Angin Sebabkan Listrik di Kota Kupang Padam

Bai Ndu ju pi di Tobo dong ada pake masker lengkap te dia taku corona.

Ina Feok yang dengar langsung buang sapu lidi ko lar datang kastao karna di pasar ju orang yang jual tahu tempe tinggal brapa orang sa.

"Ama, lu dengar ko sonde, beta ada baca berita bilang itu kacang kedele ada nae harga andia ko tahu tempe ju mahal," Ina Feok su pi dudu dekat Tobo.

Baca juga: Sampah Menggunung di Ruas Jalan Adi Sucipto Kota Kupang, Begini Kondisinya

Bai Ndu yang dengar langsung diam-diam karena dia su tao harga kacang yang pake buat tahu tempe su nae harga.

"Katong dengar sa, abis mo karmana, kalo memang mahal abis mo buat apa. Katong harap pemerenta bisa perhatikan juga," Ina Feok tambah lai. ‎(*)

Tapaleuk Hari Ini