Su Lupa Iko  Upacara

Su Lupa Iko  Upacara

POS-KUPANG.COM--Ama Tobo su bosan duduk di dadegu te bapatua pung tambako makan su habis. Matahari su mo dekat kapala ju baptua balom pi iris tuak.

Ina Feok dari tadi su omong sindir-sindir dia pung laki supaya pi iris tuak ma sonde mampan.

"Ama kenapa ko lu ini hari beda deng hari laen. Su jam bagini lu balom pi kasi turun tuak," Ina Feok omong terakhir kali.
Pas ina Feok omong bagitu te Bai Ndu su muncul di dong pung depan rumah.

"Ama ,su ada tuak ko. Beta ini hari beli dua botol karna beta ada hoka tetangga ko datang bantu tofa rumput," Bai Ndu tanya Tobo.

Bai Ndu ada mau tanam jagong tapi rumput su hidup dahulu.

Baca juga: HUT Korpri di Kota Kupang - ASN Diminta Bekerja Profesional

Ama Tobo balom manyao te Ina Feok su datang menghadap di Bai Ndu ko kastau bilang dia pung laki mungkin ada galau ko dari pagi sonde turun-turun dari dadegu.

"Bai Ndu, beta su pamalas omong te, dari pagi buta beta su kasi bangun ko iris tuak,ma dia bangun langsung pi duduk di dadegu sampe sakarang," Ina Feok ame sapu lidi ko sapu di dapur.

Bai Ndu su duduk rapat deng Ama Tobo ko su kusu-kusu.

Ama Tobo su tahu kalo Bai Ndu biasa ada mo minta tembako. "Ini ada tembako dari kemarin te ini hari beta balom pi kios," Tobo sorong kasi Bai Ndu tembako sapotong.

Dong dua mulai bacarita soal keadaan di Kota Kupang yang su mulai hujan terus.

Baca juga: Wali Kota Kupang dan Komunitas Wartawan Tanam Pohon

"Ama e, sekarang ini mungkin adau musim hujan, andia rumput su penuh di kebun" Tobo kastao Bai Ndu.

Bai Ndu ju jaga gengsi jadi dia jawab bilang dia juga sekarang pusing karena su banyak rumput.

Dong ada bacarita ma andia Tobo sonde semangat, ternyata Tobo ada pikiran karna dia balok kas bangun dia pung ana ko  pi iko upacara di kantor gubernur.

"Beta su lupa kas bangun ana buah ko pi iko upacara, padahal ada upacara hari Korpri," Ama Tobo curhat di Bai Ndu.

Ternyata Ama Tobo  juga ada dapa undangan karna dia pengurus komite di sekolah dekat dong pung rumah.

Baca juga: Inilah Capaian Vaksinasi Covid-19 di Kota Kupang Tahap Satu Hingga Tiga 

Ina Feok yang dengar,langsung sambung jawab dia pung laki. "Ko dar amper siang beta su kas bangun dong dua ma sonde bergerak," Ina Feok bangun ko su belakang rumah.(Oby Lewanmeru)